ا ق ش- تا كوروناۆيرۋستان العاشقى ادام كوز جۇمدى
جەرگىلىكتى دەنساۋلىق ساقتاۋ ورگاندارى سەنبى كۇنى ۆاشينگتون شتاتىنىڭ كينگ وكرۋگىندە 50 جاستاعى ەر ادامنىڭ قايتىس بولعانىن راستادى. ول قاۋىپتىلىگى جوعارى ەلدەردىڭ ەشقايسىسىنا بارماعان.
ۆاشينگتون شتاتىنىڭ گۋبەرنوتورى دجەي ينسلي ۆيرۋستىڭ تارالۋ قاۋپىنە بايلانىستى شتاتتا توتەنشە جاعداي جاريالادى.
سەنبى كۇنى ۆاشينگتون شتاتىندا جەرگىلىكتى قارتتار ۇيىندە كوروناۆيرۋس تارالىپ، ءورشىپ كەتۋى مۇمكىن دەلىنىپ تەكسەرىلىپ جاتقانىن ايتتى.
ا ق ش- تا كوروناۆيرۋستى جۇقتىرعانداردىڭ جالپى سانى 62 ادامعا جەتتى.
بۇعان دەيىن حابارلاعانداي، جەكسەنبى كۇنى اۋستراليادا كوروناۆيرۋستان كوز جۇمعان العاشقى جاعداي راستالدى. جەرگىلىكتى ب ا ق- تىڭ مالىمەتىنشە، وتكەن ايدا جاپونيادان ەۆاكۋاتسيالانعان 78 جاستاعى ەر ادام پەرت قالاسىنداعى اۋرۋحانادا قايتىس بولدى. سونداي-اق ونىڭ 79 جاستاعى ايەلىنەن دە ۆيرۋس تابىلعان.
35 جاسار ەر ادام تايلاند اۋماعىندا اتالعان ىندەتتەن كوز جۇمعان العاشقى ادام بولدى. جالپى ەلدە ۆيرۋس جۇقتىرعان 42 جاعداي انىقتالدى.
د س ۇ مالىمەتىنە سايكەس، الەمنىڭ 57 ەلىندە جاڭا ۆيرۋس جۇقتىرعاندار سانى 85 مىڭنان اسقان. 3000 عا جۋىق ادام قايتىس بولعان.
