الماتىدا سولتۇستىك جانە شىعىس وڭىرلەرگە قونىس اۋدارۋشىلارعا ارنالعان جارمەڭكە وتكىزىلەدى
الماتى قالاسى اكىمدىگىنىڭ حالىقتى جۇمىسپەن قامتۋ ورتالىعى «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ مەملەكەتتىك باعدارلاماسى اياسىندا الماتى قالاسىنان قازاقستان رەسپۋبليكاسىنىڭ سولتۇستىك جانە شىعىس وڭىرلەرىنە (جۇمىسقا ورنالاستىرۋدى جانە جالعا بەرىلەتىن تۇرعىن ءۇيدى قامتاماسىز ەتۋمەن) ەرىكتى ايماقارالىق قونىس اۋدارۋ باعدارلاماسى بويىنشا بوس ورىندار جارمەڭكەسىن ۇيىمداستىرادى.
بوس ورىندار جارمەڭكەسىنە 20 عا جۋىق كومپانيا، سونداي-اق شىعىس قازاقستان، سولتۇستىك قازاقستان وبلىستارىنىڭ جانە قوستاناي، پاۆلودار قالالارىنىڭ جۇمىسپەن قامتۋ ورتالىقتارىنىڭ ديرەكتورلارى مەن ماماندارى قاتىسادى.
جارمەڭكەگە كەلۋشىلەرگە قازاقستان رەسپۋبليكاسىنىڭ باسقا قالالارىندا جۇمىس تابۋعا، سونىمەن قاتار «اتامەكەن» ۇ ك پ، «Qolday» كاسىپكەرلىك ورتالىعى جانە «دامۋ» كاسىپكەرلىكتى دامىتۋ قورى» ا ق- دان بيزنەس اشۋ ءۇشىن مەملەكەتتىك باعدارلامالار بويىنشا كەڭەس بەرىلەدى.
شارانى بوستاندىق اۋدانى اكىمى اپپاراتىمەن بىرلەسىپ الماتى قالاسى اكىمدىگىنىڭ حالىقتى جۇمىسپەن قامتۋ ورتالىعى ۇيىمداستىرادى.
جارمەڭكە ءال-فارابي داڭعىلى بويىندا ءال-فارابي اتىنداعى قاز ۇ ۋ الدىنداعى الاڭدا 4-5- ناۋرىز كۇندەرى ساعات 10:00 دەن باستالادى.
