پرەزيدەنت جامبىل وبلىسىنىڭ بۇرىنعى باسشىلارىنىڭ قىزمەتىنە سىن ايتتى

قورداي اۋدانى. قازاقپارات - مەملەكەت باسشىسى جامبىل وبلىسىنىڭ جاڭا باسشىلىعىنىڭ الدىنا ايماقتىڭ ءوسىپ-وركەندەۋىن تەجەيتىن كەدەرگىلەردى جويىپ، حالىقتىڭ ءال-اۋقاتىن ارتتىراتىن شارالار قابىلداۋدى مىندەتتەدى، دەپ حابارلايدى قازاقپارات اقورداعا سىلتەمە جاساپ.

- قاقتىعىس بولعان جەردە ەشقاشان، ەشقانداي دامۋ بولمايدى. بۇل - زاڭدىلىق. وكىنىشكە قاراي، وبلىس باسشىلارى بۇل زاڭدىلىقتى دۇرىس تۇسىنگەن جوق. سوندىقتان وبلىس باسشىلارى، سونىڭ ىشىندە قۇقىق قورعاۋ ورگاندارىنىڭ باسشىلارى تولىعىمەن اۋىستىرىلدى، قىزمەتكەرلەر جۇمىستان بوساتىلدى. جاڭا باسشىلار تاعايىندالدى. سولاردىڭ اراسىندا بەردىبەك ساپاربايەۆ بار. بۇل ازاماتتى جاقسى تانيسىزدار. تاجىريبەسى مول مەملەكەتتىك قىزمەتشى. ونىڭ الدىندا تۇرعان ماقسات - تۇراقسىزدىققا تۇرتكى بولاتىن جاعدايلاردى تۇبەگەيلى جويۋ جانە ءوڭىردىڭ دامۋىنا سەرپىن بەرۋ، - دەدى قاسىم-جومارت توقايەۆ.

ق ر پرەزيدەنتى جامبىل وبلىسىنىڭ قورداي اۋدانىنداعى قاراكەمەر اۋىلىنىڭ جۇرتشىلىعىمەن كەزدەسكەن بولاتىن.

ەسكە سالا كەتسەك، قوردايداعى وقيعادان كەيىن پرەزيدەنت ءبىرقاتار لاۋازىمدى تۇلعانى قىزمەتىنەن الۋدى تاپسىرعان ەدى. جامبىل وبلىسى اكىمىنىڭ الەۋمەتتىك ماسەلەلەر جونىندەگى ورىنباسارى، قورداي اۋدانىنىڭ اكىمى، جامبىل وبلىسى پوليتسيا دەپارتامەنتىنىڭ باستىعى، قورداي اۋداندىق پوليتسيا ءبولىمىنىڭ باستىعى قىزمەتىنەن بوساتىلدى.

10- اقپاندا جامبىل وبلىسىنىڭ اكىمى اسقار مىرزاحمەتوۆ وتىنىشىمەن قىزمەتىنەن كەتتى. سول كۇنى بەردىبەك ساپاربايەۆ وسى لاۋازىمعا تاعايىندالدى.