اتىراۋدا ەكى مەترلىك اقسەركە قارماققا ءتۇستى

اتىراۋ. قازاقپارات - اتىراۋ وبلىسىندا جايىق وزەنىنەن 100-220 سانتيمەترلىك اقسەركە جانە بەكىرە بالىقتارى اۋلاندى، دەپ حابارلايدى قازاقپارات ءتىلشىسى.

«جەكسەنبى كۇنى تومەنگى- پەشنوي ۋچاسكەسىندە 3 بەكىرە، 1 اقسەركە ۇستالدى. اقسەركەنىڭ ۇزىندىعى - 2 م 20 سانتيمەتر، سالماعى - 148 كەلى. بەكىرەلەردىڭ ۇزىندىعى - 80 سانتيمەتر، 95 سانتيمەتر جانە 1 مەتر»، - دەپ حابارلادى اتىراۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى تابيعي رەسۋرستاردى قورعاۋ ءبولىمى باسشىسىنىڭ مىندەتىن اتقارۋشى ولەگ تۋشكانوۆ.

ونىڭ ايتۋىنشا، اۋلانعان بالىقتار بالىق وسىرۋمەن اينالىساتىن زاۋىتتاردىڭ بىرىنە بەرىلدى.