15:03, 01 - ناۋرىز 2020 | GMT +5
اۋستراليادا كرۋيز كەمەسىنىڭ جولاۋشىسى قايتىس بولدى
سيدنەي. قازاقپارات - Diamond Princess كرۋيز كەمەسىنىڭ بورتىندا كوروناۆيرۋس جۇقتىرعان اۋستراليالىق ازامات اۋستراليا اۋماعىندا اتالعان ىندەتتەن كوز جۇمعان العاشقى ادام بولدى، دەپ حابارلايدى قازاقپارات جەرگىلىكتى ب ا ق- قا سىلتەمە جاساپ.
جەرگىلىكتى ب ا ق- تىڭ مالىمەتىنشە، وتكەن ايدا جاپونيادان ەۆاكۋاتسيالانعان 78 جاستاعى ەر ادام پەرت قالاسىنداعى اۋرۋحانادا قايتىس بولدى. سونداي- اق ونىڭ 79 جاستاعى ايەلىنەن دە ۆيرۋس تابىلعان. قازىر ول اۋرۋحانادا جاتىر، ونىڭ جاعدايى ءبىرقالىپتى. اۋستراليا ۇكىمەتى سەنبى كۇنى COVID 19 ۆيرۋسى ءورشىپ تۇرعان يراننان كەلەتىن تۋريستەردىڭ ەلگە كىرۋىنە تىيىم سالعانى تۋرالى حابارلادى. سونداي- اق اۋستراليا وسى ۆيرۋس العاش شىققان قىتايدان كەلەتىن حالىققا دا ەلگە كىرۋگە تىيىم سالۋدى 7 -ناۋرىزعا دەيىن ۇزارتقانى اتاپ ءوتىلدى.
