قازاقستاننىڭ جاپونياداعى ەلشىلىگى ەلدەگى قازاقستاندىقتاردى ەسەپكە الا باستادى

توكيو. قازاقپارات - قازاقستاننىڭ جاپونياداعى ەلشىلىگى سول ەلدەگى قازاقستاندىقتاردىڭ ساناعىن جۇرگىزۋدە، دەپ حابارلايدى قازاقپارات ەلشىلىككە سىلتەمە جاساپ.

«قۇرمەتتى قازاقستان رەسپۋبليكاسىنىڭ ازاماتتارى! جاپونيا اۋماعىنداعى قولايسىز دامىپ كەلە جاتقان ەپيدەميولوگيالىق احۋالعا بايلانىستى ەلشىلىك قازاقستان رەسپۋبليكاسىنىڭ بارلىق ازاماتتارىنىڭ ساناعىن جۇرگىزۋدە. توتەنشە جاعداي بولعان جاعدايدا ودان ارعى ءىس- قيمىلداردى حابارلاۋ ءۇشىن مىنا سىلتەمە بويىنشا - ءوزىڭىزدىڭ جەكە مالىمەتىڭىزدى (اتى- ءجونى، تۋعان كۇنى، مەكەن- جايى جانە بايلانىس) ۇسىنۋدى سۇرايمىز» ، دەلىنگەن ەلشىلىكتىڭ جاپونياداعى قازاقستاندىقتارعا ۇندەۋىندە.

ەسكە سالا كەتسەك، بۇعان دەيىن جاپونيادا كوروناۆيرۋس جۇقتىرعان ادامداردىڭ كوبەيۋىنە بايلانىستى قازاقستاننىڭ جاپونياداعى ەلشىلىگىندە قازاقستاننىڭ ازاماتتارى ءۇشىن 818021110909 ءنومىرى بويىنشا قاۋىرت جەلى اشىلعانىن بولاتىن.

ەسكە سالا كەتسەك، جاپونيادا كوروناۆيرۋس ينفەكتسياسىن 945 ادام جۇقتىرعان. ونىڭ 705 سى Diamond Princess كرۋيز لاينەرىنىڭ ەكيپاجى مەن جولاۋشىلارى. سوڭعى مالىمەتتەر بويىنشا ولاردىڭ 11ى كوز جۇمىپ. تاعى 50 ادام اۋىر حالدە جاتىر.