21:04, 28 - اقپان 2020 | GMT +5
گونكونگتا ءيت كوروناۆيرۋس جۇقتىرعان بولۋى مۇمكىن
نۇر- سۇلتان. قازاقپارات – گونكونگتىڭ اۋىلشارۋاشىلىق دەپارتامەنتى ماماندارى قازىرگى ۋاقىتتا كوروناۆيرۋستىڭ ادامنان جانۋارعا جۇعۋىن زەرتتەپ جاتىر. الدىن الا تەكسەرۋلەرگە سايكەس، يەسىنە كوروناۆيرۋس دياگنوزى قويىلعان يتتەن دە سىرقاتتىڭ بەلگىلەرى انىقتالعان.
ەر ادام اۋرۋحاناعا جاتقىزىلعاننان كەيىن ءيتى جانۋارلارعا ارنالعان ارنايى كارانتيندىك ورتالىققا ورنالاستىرىلدى. تالداۋ ناتيجەسى يتتەن از مولشەردە كوروناۆيرۋس ينفەكسياسىن انىقتادى. «قازىرگى ۋاقىتتا دەپارتامەنتتە جانۋارلاردىڭ كوروناۆيرۋس جۇقتىرۋى نەمەسە ونىڭ ادامدارعا تارالاتىنى تۋرالى دالەلدەنگەن جوق»، - دەلىنگەن حابارلامادا.
ءيت باقىلاۋدا بولعان كەزدە تاعى دا سىناقتار جۇرگىزىلەدى. قازىرگى ۋاقىتتا گونكونگتا كوروناۆيرۋستىڭ 93 جاعدايى راستالدى.
www.24.kz
