08:40, 28 - اقپان 2020 | GMT +5
وليمپياداعا دايىندىقتى باستايمىن: ازيا چەمپيونى اتانعان سەمەيلىك بالۋان
سەمەي. قازاقپارات - ەركىن كۇرەستەن ەكى دۇركىن ازيا چەمپيونى اتانعان دانيار قايسانوۆتى جەرلەستەرى سەمەي اۋەجايىنان قارسى الدى، دەپ حابارلايدى قازاقپارات.
ءۇندىستان استاناسى نيۋ-دەليدە 74 كەلىگە دەيىنگى سالماقتا سىنعا تۇسكەن د. قايسانوۆ قارسىلاس شاق كەلتىرمەگەن بولاتىن.
بۇگىن كوك تۋىمىزدى جەلبىرەتكەن بالۋان ەلگە ورالدى. اۋەجايدا ونى جەرلەستەرى، تۋعان-تۋىسقاندارى مەن دوستارى قۇشاق جايا قارسى الدى.
«وتانداستارىمنىڭ ءۇمىتىن اقتاعانىما بەك قۋانىشتىمىن. وسىنداي ساتتەر ءۇشىن ايانباي تەر توگۋ تۇرارلىق ءىس. قىسقا مەرزىمدىك دەمالىستان كەيىن وليمپيادا ويىندارىنا دايىندالا باستايمىن»، - دەيدى چەمپيون.
