جۇما كۇنى اۋا رايى قانداي بولادى
ىعىسىپ بارا جاتقان سيكلون جانە ونىڭ اتموسفەرالىق اعىندارى قازاقستاننىڭ كوپتەگەن بولىگىندەگى اۋا رايىنا ىقپال ەتەدى. كەي جەرلەردە جاۋىن- شاشىن بولادى (اسىرەسە قار جاۋادى) . رەسپۋبليكانىڭ كەي وڭىرلەرىندە تۇمان ءتۇسىپ، كوكتايعاق بولىپ، جەل كۇشەيەدى، رەسپۋبليكانىڭ سولتۇستىگىندە بوران سوعۋى مۇمكىن.
ماڭعىستاۋ وبلىسىندا جەلدىڭ كۇشى 15-20، كەي جەردە 23 م/س جەتىپ، شاڭدى داۋىل سوعادى.
اقمولا، سولتۇستىك قازاقستان، پاۆلودار، قوستاناي وبلىستارىندا بوران، تۇمان، كوكتايعاق بولىپ، جەلدىڭ جىلدامدىعى 15-20 م/س جەتۋى ىقتيمال.
شىعىس قازاقستاندا 15-20 م/س جەل سوعىپ، بوران، كوكتايعاق بولادى. قاراعاندى وبلىسىندا تۇندە جانە تاڭەرتەڭ كەي جەرلەردە تۇمان ءتۇسۋى مۇمكىن.
جامبىل، تۇركىستان، قىزىلوردا وبلىستارىندا كەي جەرلەردە تۇمان بولىپ، جەلدىڭ كۇشى سەكۋندىنا 15-20 مەترگە جەتەدى.
الماتى وبلىسىندا تۇندە تۇمان ءتۇسىپ، كوكتايعاق بولىپ، 15-20 م/س جەل سوعادى.
اتىراۋ وبلىسىنىڭ كوپ بولىگىندە كۇندىز جەل 15-20 م/س دەيىن كۇشەيۋى مۇمكىن. باتىس قازاقستاندا سەكۋندىنا 15-20 مەترگە دەيىن جەل سوعۋى مۇمكىن، تۇمان تۇسەدى.
اقتوبە وبلىسىندا كەي جەرلەردە جەلدىڭ كۇشى 18 م/س بولادى.
