قازگيدرومەت بىرنەشە وڭىردە ەسكەرتۋ جاريالادى

نۇر- سۇلتان. قازاقپارات - اۋا رايىنىڭ قولايسىزدىعىنا بايلانىستى بىرنەشە وڭىردە ەسكەرتۋ جاريالاندى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

اتاپ ايتقاندا، 27 - اقپاندا تۇندە جانە تاڭەرتەڭ تۇركىستان وبلىسىنىڭ كەي جەرلەرىندە قاتتى جاڭبىر جاۋىپ، سولتۇستىك- باتىستان سوعاتىن جەلدىڭ كۇشى 15-20, 25 م/س ارتۋى مۇمكىن. كەي جەرلەردە تۇمان، كوكتايعاق كۇتىلەدى.

تۇركىستان قالاسىندا تۇندە سولتۇستىك- باتىستان سوعاتىن جەلدىڭ ەكپىنى 15-20 م/س جەتەدى.

شىمكەنت قالاسىندا تۇندە قاتتى جاڭبىر جاۋىپ، سولتۇستىك- باتىستان سوعاتىن جەلدىڭ جىلدامدىعى 15-20 م/س ارتادى.

27 - اقپاندا قىزىلوردا وبلىسىنىڭ كەي جەرلەرىندە تۇندە كوكتايعاق كۇتىلەدى. 27-29 -اقپان ارالىعىندا سونداي- اق تۇمان بولجانادى. 27 - اقپاندا تۇندە جانە تاڭەرتەڭ، 28-29 - اقپاندا تاۋلىك ىشىندە سولتۇستىك- باتىستان، باتىستان سوعاتىن جەل وڭتۇستىك- شىعىسقا اۋىسىپ، كۇشى كەي جەرلەردە 15-20 م/س بولادى.

27 - اقپاندا باتىس قازاقستان وبلىسىنىڭ كەي جەرلەرىن تۇمان باسادى. وڭتۇستىك- باتىستان سوعاتىن جەلدىڭ ەكپىنى كۇندىز كەي جەرلەردە 15-20 م/س جەتەدى.

27 - اقپاندا ورال قالاسىندا تۇمان، وڭتۇستىك- باتىستان سوعاتىن جەلدىڭ جىلدامدىعى كۇندىز 18 م/س بولاتىنى كۇتىلەدى.

27 - اقپاندا قوستاناي وبلىسىنىڭ كەي جەرلەرىندە تۇمان، كوكتايعاق، جاياۋ بۇرقاسىن كۇتىلەدى. سولتۇستىك- باتىستان، باتىستان جەل سوعىپ، كۇشى 15-20, 23-28 م/س ارتادى.

27 - اقپان كۇنى قوستاناي قالاسىندا بۇرقاسىن، كوكتايعاق كۇتىلەدى. سولتۇستىك- باتىستان، باتىستان جەل سوعادى، ەكپىنى 15-20 م/س جەتۋى ىقتيمال.

27 - اقپاندا ماڭعىستاۋ وبلىسىندا شاڭدى داۋىل تۇرىپ، وڭتۇستىك- شىعىستان سوققان جەلدىڭ كۇشى كەي جەرلەردە 17-22 م/س جەتەدى.

اقتاۋ قالاسىندا كۇندىز شاڭدى داۋىل كۇتىلەدى، وڭتۇستىك- شىعىستان جەل سوعادى، ەكپىنى 17-22 م/س.