21:32, 25 - اقپان 2020 | GMT +5
مىسىردىڭ ەكس- پرەزيدەنتى حوسني مۇباراك ومىردەن وزدى
كاير. قازاقپارات - مىسىردىڭ بۇرىنعى پرەزيدەنتى حوسني مۇباراك كايردە 91 جاسىندا قايتىس بولدى، دەپ حابارلايدى قازاقپارات ەگيپەتتىك MENA اگەنتتىگىنە سىلتەمە جاساپ.
سوڭعى كۇندەرى مۇباراك اسقازان- ىشەك جولىنا وتا جاساتىپ، كايردەگى ەمحانالاردىڭ بىرىندە جاتقان بولاتىن.
ەكس- پرەزيدەنت حوسني مۇباراك 1981 -جىلدان باستاپ 2011 -جىلعا دەيىن لاۋازىمدى قىزمەتتەردى اتقاردى. 2011 -جىلدىڭ اقپانىندا قارسىلىق شارالارى كوبەيگەندىكتەن مۇباراك قىزمەتىنەن كەتۋگە ءماجبۇر بولدى. وعان قارسى بىرنەشە قىلمىستىق ءىس قوزعالدى. سودان كەيىن قاماۋعا الىندى.
بىرنەشە جىلدان كەيىن مۇباراكتى جوعارى سوت اقتاپ، 2017 -جىلى تۇرمەدەن شىعارىلدى. بوساتىلعاننان كەيىن بۇرىنعى پرەزيدەنت وقشاۋ ءومىر ءسۇردى، ب ا ق- مەن ارالاسقان جوق.
