07:45, 25 - اقپان 2020 | GMT +6
مۇگەدەكتەردى جۇمىسقا قابىلداعان كاسىپكەرلەردىڭ شىعىنى سۋبسيديالانادى
الماتى. قازاقپارات - الماتىدا 2021 -جىلى مۇمكىندىگى شەكتەۋلى جاندارعا ارنايى جۇمىس ورىندارىن قۇرۋ بويىنشا جۇمىس بەرۋشىلەردەن وتىنىمدەر قابىلداۋ باستالدى، دەپ حابارلايدى قازاقپارات ءتىلشىسى.
الماتى قالاسىنىڭ حالىقتى جۇمىسپەن قامتۋ ورتالىعى مۇگەدەكتەردى ەڭبەككە ورنالاستىرۋ ءۇشىن ارنايى جۇمىس ورىندارىن قۇرۋعا نيەت بىلدىرگەن جۇمىس بەرۋشىلەردىڭ شىعىندارىن سۋبسيديالايدى (كورۋ، تىرەك- قيمىل اپپاراتى بۇزىلعان مۇگەدەك ادامدار) .
سۋبسيديا ارنايى جۇمىس ورىندارىن جاراقتاندىرۋ ءۇشىن جابدىقتاردى ساتىپ الۋعا، مونتاجداۋعا جانە ورناتۋعا ارنالعان شىعىنداردى وتەۋ ماقساتىندا بەرىلەدى.
اتالعان باعدارلاماعا قاتىسۋ ءۇشىن وتىنىمدەر 2020 -جىلدىڭ 1-مامىرىنا دەيىن قابىلدانادى. ق ر ادىلەت ءمينيسترىنىڭ بۇيرىعىنا سايكەس، زاڭدى تۇلعانى مەملەكەتتىك تىركەۋ تۋرالى انىقتاما نەمەسە ورنالاسقان جەرى بويىنشا مەملەكەتتىك كىرىستەر ورگانىندا دارا كاسىپكەر رەتىندە ەسەپكە قويۋدى راستايتىن قۇجات؛ ارنايى جۇمىس ورىندارىن جابدىقتاۋعا ارنالعان شىعىستار سمەتاسى تالاپ ەتىلەدى.
