شىعىس قازاقستانداعى زايسان اۋدانىنىڭ اكىمى اۋىستى

ايماق باسشىسى دانيال احمەتوۆتىڭ وكىمىمەن زايسان اۋدانىنىڭ اكىمى لاۋازىمىنا سەرىك زاينۋلدين تاعايىندالدى.

سەرىك زينابەك ۇلى 1964 -جىلعى 25 - اقپاندا زايسان قالاسىندا تۋعان. 1981 -جىلى اينابۇلاق ورتا مەكتەبىن ءتامامدادى.

1981-1986 -جىلدارى - سەمەي زووۆەتەرينارلىق ينستيتۋتى زووتەحنيكالىق فاكۋلتەتىنىڭ ستۋدەنتى.

1986-1991 -جىلدارى زايسان اۋدانىنداعى «اينابۇلاق» كەڭشارىندا باس زووتەحنيك بولىپ جۇمىس ىستەدى.

1991-1993 -جىلدارى - «اينابۇلاق» كەڭشارىنىڭ ديرەكتورى، 1997 -جىلعا دەيىن - اۋداندىق اۋىلشارۋاشىلىق باسقارماسىنىڭ باستىعى.

1997-2004 -جىلدارى ول زايسان اۋدانى اكىمىنىڭ اۋىل شارۋاشىلىعى، قۇرىلىس جانە تۇرعىن ءۇي- كوممۋنالدى شارۋاشىلىق ماسەلەلەرىنە باسشىلىق ەتەتىن ورىنباسارى، 2004-2005 -جىلدارى زايسان اۋدانى اكىمىنىڭ مىندەتىن اتقارۋشى قىزمەتىندە بولدى.

2007-2010 -جىلدارى - كاتونقاراعاي اۋدانىنىڭ اكىمى، 2010-2013 -جىلدارى - زايسان اۋدانىنىڭ اكىمى قىزمەتتەرىن اتقاردى.

2013 -جىلدىڭ 28 - ماۋسىمىنان باستاپ قازىرگە دەيىن ءۇرجار اۋدانىنىڭ اكىمى بولىپ قىزمەت ەتكەن.

اۆتور تالعاتجان مۇحامەتبەك ۇلى