قىزىلوردادا اباي قولدانعان زاتتار قويىلعان جىلجىمالى كورمە اشىلدى

قىزىلوردا. قازاقپارات - قىزىلوردادا ساليحيتدين ايتبايەۆ اتىنداعى كوركەمسۋرەت گالەرەياسىندا «جيدەباي- ءبورىلى» مەملەكەتتىك تاريحي-مادەني جانە ادەبي-مەموريالدىق قورىق-مۋزەيىنىڭ «اباي - دانا، اباي - دارا قازاقتا» اتتى جىلجىمالى كورمەسى اشىلدى.

جىلجىمالى كورمە قازاقتىڭ ۇلى اقىنى ابايدىڭ 175 جىلدىق مەرەيتويىنا ارنالعان، دەپ حابارلايدى قازاقپارات ءتىلشىسى.

كورمەگە اقىن تۇتىنعان زاتتار، ونىڭ ءومىرى مەن شىعارماشىلىعىن ناسيحاتتايتىن قۇندى جادىگەرلەر قويىلدى. كورمەگە كەلۋشىلەر اقىننىڭ ءومىرى مەن شىعارماشىلىعىنا قاتىستى تاريحي قۇجاتتار مەن ارحيۆتىك دەرەكتەر، قۇندى قولجازبالار، تۇرمىستا قولدانعان زاتتارى، كىتاپتارى مەن فوتوسۋرەتتەرى بار.

كورمە ەكى بولىمنەن تۇرادى. وندا قازاق دالاسىنداعى مەدرەسەلەر تاريحىنا قاتىستى جادىگەرلەر دە جيناقتالعان. كوپشىلىك اباي وقىعان سەمەيدەگى احمەت ريزا مەدرەسەسى جايلى، ونداعى كىتاپتارمەن دە تانىسا الادى. ەتنوگرافيالىق بۇيىمدار دا كەلۋشىلەر قىزىعۋشىلىعىن تۋعىزىپ وتىر.

«كورمەگە كەلۋشىلەر اباي جايىندا جازىلعان دۇنيەلەرمەن دە تانىسا الادى. ولاردىڭ قاتارىندا تايىر جاروكوۆ پەن مۇحتار اۋەزوۆتىڭ ەڭبەگى مەن لاتىن الىپبيىندەگى اباي جايلى كىتاپ بار. سەمەيلىك سۋرەتشى نۇرلان وتەبايەۆتىڭ اباي پورترەتى دك كوپشىلىكتى قىزىقتىرادى دەپ ويلايمىن»، - دەدى ابايدىڭ «جيدەباي-ءبورىلى» مەملەكەتتىك تاريحي-مادەني جانە ءادبي-مەموريالدىق قورىق-مۋزەيىنىڭ عىلىمي قىزمەتكەرى قۋات قيىقبايەۆ.

ۇلى تۇلعانىڭ ونەگەلى ومىرىنەن ماعلۇمات بەرەتىن كورمە 1- ناۋرىزعا دەيىن جالعاسادى.