الماتى وبلىسىنداعى كەدەن بەكەتتەرى قالىپتى جاعدايدا جۇمىس جاساۋدا
ولاردىڭ سىرقات ەكەنى ارنايى قۇرىلعىمەن تەكسەرگەندە، انىقتالىپتى. دارىگەرلەر وقشاۋلاپ، ناۋقاستاردان بىرنەشە ساراپتاما العان. ەشقانداي ۆيرۋستىڭ، سونىڭ ىشىندە كوروناۆيرۋستىڭ دا بەلگىسى بولماعان سوڭ، ولاردى ۇيلەرىنە جىبەرگەن.
ەستەرىڭىزگە سالايىق، قازىر «قورعاس» شەكارا ماڭى ىنتىماقتاستىعى حالىقارالىق ورتالىعى جۇمىس ىستەپ تۇرعان جوق. 22 - قاڭتاردان بەرى جابىق. ال قالعان قالجات، التىنكول جول، نۇر جولى، الاكول، تەمىر جول وتكىزۋ پۋنكتتەرى قالىپتى جاعدايدا قىزمەت كورسەتىپ كەلەدى. كەشەگى كۇننىڭ وزىندە مىڭعا جۋىق تاۋارلى ۆاگون وتكەن. ءبىر ايتا كەتەرى، بەكەتتەردە جولاۋشى تاسىمالىنا تىيىم سالىنعان.
عابيت ورازوۆ، وبلىس بويىنشا مەملەكەتتىك كىرىستەر دەپارتامەنتىنىڭ ءبولىم باسشىسى:
- اۆتوبۋستار، تەمىر جول كولىكتەرى توقتاتىلدى. ءبىراق جۇك تاسيتىن تەمىر جول قۇرالدارى مەن كولىكتەرى تۋرالى نۇسقاۋ تۇسكەن جوق. كەدەن بەكەتتەرىنىڭ جاياۋ وتكىزۋ پۋنكتتەرى جۇمىس ىستەپ تۇر. جۇمىس بابىمەن كىرەتىن ازاماتتار مىندەتتى تۇردە كەدەن بەكەتىنەن وتكەن كەزدە دەنە قىزۋىن انىقتايتىن قۇرىلعىلارى ارقىلى وتكىزىلەدى.