قازاقستان تۇرعىندارى قانداي سىرقاتتارعا ءجيى شالدىعادى
«2019 -جىلعى قاڭتار- جەلتوقساندا تىركەلگەن جۇقپالى اۋرۋلاردىڭ اراسىندا ەڭ كوپ تارالعانى: جوعارى تىنىس جولدارىنىڭ وتكىر جۇقپاسى - 539228 جاعداي، فۋنكسيونالدىق ديارەيا - 12382، تىنىس ورگاندارىنىڭ تۋبەركۋلەزى - 8438، جەلشەشەك - 41841، تۇماۋ - 2213، قىشىما - 669، قىزىلشا - 576 جانە كوكجوتەل - 147. تۇينەمە اۋرۋىنىڭ 12 جاعدايى تىركەلدى (2018 -جىلى - 2 جاعداي)»، - دەلىنگەن حابارلامادا.
وڭىرلەر بويىنشا الاتىن بولساق، فۋنكتسيونالدىق ديارەياعا (4450 جاعداي) شالدىعۋدىڭ ەڭ كوپ جاعدايى قىزىلوردا وبلىسىندا بولدى. ال نۇر- سۇلتان قالاسىندا تۇماۋ (232 جاعداي) جانە ناقتىلانعان باسقا دا باكتەريالىق ىشەك جۇقپالارى (1189 جاعداي) كوپ بولعان. الماتى وبلىسىندا تىنىس ورگاندارىنىڭ تۋبەركۋلەزى (889 جاعداي) جانە مەرەز (412 جاعداي)، شىعىس قازاقستان وبلىسىندا روتاۆيرۋستىق ەنتەريت (187 جاعداي)، ماڭعىستاۋ وبلىسىندا پەديكۋلەز (243 جاعداي) ەڭ ءجيى انىقتالدى.
