گەننادي گولوۆكين جاراقات الىپ قالدى

نۇر-سۇلتان. قازاقپارات - ESPN.com مالىمەتىنشە، ورتا سالماقتاعى IBF/IBO الەم چەمپيونى گەننادي گولوۆكين وڭ جاق جىلىنشىگىن جاراقاتتاپ الىپ، رينگكە ورالۋ مەرزىمىن كەيىنگە قالدىرعان، دەپ حابارلايدى قازاقپارات Sports.kz-كە سىلتەمە جاساپ.

وسىعان بايلانىستى GGG كومانداسى IBF- كە تيتۋلدى مىندەتتى قورعاۋعا ۋاقىت بەرۋىن سۇراعان.

ەسكە سالايىق، گەنناديدىڭ كەلەسى قارسىلاسى پولشا ازاماتى كاميل شەرەمەتا بولۋى ءتيىس.

العاشقىدا ايقاس 29- اقپانعا جوسپارلاندى، كەيىن ول 28- ناۋرىز بەن 11- ساۋىرگە اۋىستىرىلدى.

DAZN ستريمينگتىك سەرۆيسىنىڭ وكىلى گولوۆكين — شەرەمەتا ايقاسى ءۇشىن باسقا كۇن قاراستىرىلىپ جاتقانىن راستادى.

پروموۋتەر توم لەففلەر پىكىر بىلدىرۋدەن باس تارتقان.