ءۇشىنشى جەكپە- جەك ءۇشىن گولوۆكين «كانەلونىڭ» بار تالابىمەن كەلىسۋگە ءماجبۇر

نۇر- سۇلتان. قازاقپارات - قازاقستاندىق گەننادي گولوۆكين مەن الەمدىك بوكس جۇلدىزى مەكسيكالىق ساۋل الۆارەستىڭ جەكپە- جەگىن ۇيىمداستىرۋ الدىندا تاراپتار اراسىندا گونورارلاردى بولۋگە قاتىستى كوپتەگەن كەلىسپەۋشىلىكتەر پايدا بولدى، دەپ حابارلايدى قازاقپارات Sport.kz كە سىلتەمە جاساپ.

IBA نۇسقاسى بويىنشا ەكىنشى جەڭىل سالماقتاعى كاسىپقويلار اراسىنداعى الەمنىڭ ەكس- چەمپيونى مارات مازىمبايەۆتىڭ «كانەلومەن» تريلوگيادا قارجىلىق جاعدايدى ساقتاپ قالۋ گولوۆكينگە قيىنعا تۇسەتىنى يا تۇسپەيتىنى تۋرالى ءوز پىكىرىن بىلدىرگەن.

- نەگىزىندە ءبارى «كانەلونىڭ» قولىندا، سوندىقتان گەنا بۇل ايقاستىڭ ءوتۋى ءۇشىن ونىڭ تالاپتارىنا كەلىسۋگە ءماجبۇر بولادى. ارينە، گولوۆكيننىڭ جەكە مۇددەلەرى دە بار، ءبىراق كەلىسىمگە كەلۋ شارتىن الۆارەس ۇسىناتىن بولادى. ەڭ باستىسى - جەكپە- جەكتىڭ ءوتۋى. گولوۆكين كەلىسىمشارت بويىنشا وزىنە بولىنگەن اقشانى الادى. مەنىڭ ويىمشا، بۇل - ايتارلىقتاي سوما، — دەپ ءسوزىن تۇيىندەدى ساراپشى.