12:30, 17 - اقپان 2020 | GMT +5
اۋىر اتلەتيكادان ازيا چەمپيوناتى نۇر-سۇلتاننان تاشكەنتكە اۋىستىرىلدى
نۇر-سۇلتان. قازاقپارات - حالىقارالىق اۋىر اتلەتيكا فەدەراتسياسى (IWF) ازيا چەمپيوناتىن نۇر-سۇلتاننان تاشكەنتكە (وزبەكستان) اۋىستىرعانىن مالىمدەدى.
بۇل تۋرالى ۇيىمنىڭ رەسمي سايتىندا 17- اقپان كۇنى رەسمي اقپارات شىقتى.
«كوروناۆيرۋستىڭ ورشۋىنە قاتىستى قازاقستان رەسپۋبليكاسىنىڭ ۇكىمەتى اۋرۋدىڭ تارالۋ قاۋپىنە بايلانىستى قىتايدىڭ كورشى جانە كورشىلەس ەلدەرىنەن جولاۋشىلار قوزعالىسىنىڭ بارلىق تۇرلەرىن شەكتەدى. ازيا اۋىر اتلەتيكا فەدەراتسياسىنىڭ (AWF) اتقارۋشى كەڭەسى جاعدايدى شۇعىل تۇردە تالقىلاپ، قۇرلىقتىق بىرىنشىلىك وتەتىن جەردى قازاقستاننان وزبەكستانعا اۋىستىرۋعا كەلىستى»، - دەلىنگەن مالىمدەمەدە.
ايتا كەتەرلىگى، ازيا چەمپيوناتى ەندى 16-25- ءساۋىر كۇندەرى تاشكەنت قالاسىندا وتەدى.
