19:03, 13 - اقپان 2020 | GMT +5
قاراعاندى تاسجولىندا جاپپاي كولىك اپاتى بولدى
قاراعاندى. قازاقپارات - «قاراعاندى - وساكاروۆكا» تاس جولىندا كولىكتەردىڭ جاپپاي سوقتىعىسۋ وقيعاسى بولدى، دەپ حابارلايدى قازاقپارات ءتىلشىسى.
اپات قاراعاندى وبلىسى وساكاروۆكا كەنتىنىڭ ماڭىندا بولعان. وعان بۇرقاسىننان جولدىڭ كورىنبەۋى سەبەپ بولعان.
«13 - اقپان كۇنى ساعات 15:27 دە «قاراعاندى- وساكاروۆكا» تاس جولىندا اۋا رايىنىڭ قولايسىزدىعىنا جانە جولدىڭ كورىنبەۋىنە بايلانىستى جول- كولىك وقيعاسى بولدى. قازىرگى ۋاقىتتا وقيعا ورنىندا پوليتسيا قىزمەتكەرلەرى جۇمىس ىستەۋدە. وقيعانىڭ ءمان- جايى انىقتالۋدا» ، - دەپ حابارلايدى Polisia.kz اقپاراتتىق مەديا- پورتالى.
ايتا كەتۋ كەرەك، اۋا رايىنىڭ كۇرت وزگەرۋى سالدارىنان قازىرگى ۋاقىتتا «قاراعاندى- نۇر- سۇلتان» جانە «بوتاقارا- پاۆلودار» باعىتىنداعى اۆتوجولدار جابىق تۇر.
