قارسىلاسىنا ءادىس جاساماق بولعان بالۋان جەلكەسىن ءۇزىپ الدى

نۇر-سۇلتان. قازاقپارات – ميرمول داعىستاندىق بالۋان گادجيمۋراد ماگومەدوۆ سانكت- پەتەربۋرگتە وتكەن گرەپپلينگتەن اشىق الەم كۋبوگى بارىسىندا اۋىر جاراقات الدى، - دەپ حابارلايدى Vesti.kz .

«داگەستانسكيە يزۆەستيا» Instagram -اككاۋنتىندا وقيعانىڭ ءمان- جايى ايتىلادى.

1994 -جىلعى سپورتشى قارسىلاسىنىڭ شىنتاعىنا تومەننەن ءادىس جاساماق بولعان. الايدا وسى ءادىستى جاساۋ كەزىندە ماگومەدوۆ ەدەنگە ءساتسىز تۇسكەن. سوققىدان ول مويىنىن جاراقاتتاپ الدى. قولدا بار مالىمەتتەر بويىنشا، ول ءتىرى، ءبىراق قول- اياعى قوزعالىسسىز قالعان. باسىلىمىنىڭ مالىمەتىنشە، سپورتشىنىڭ ەمىنە قاراجات جيناۋ قورى اشىلعان. ونىڭ ميى زاقىمدالعان، مويىن ومىرتقاسى جابىق تۇردە سىنعان.

www.24.kz