20:29, 12 - اقپان 2020 | GMT +5
شىمكەنتتە پوليتسەيگە پارا بەرمەك بولعان تۇرعىن ۇستالدى
شىمكەنت. قازاقپارات - شىمكەنتتە پوليتسەيگە 20 مىڭ تەڭگە پارا بەرمەك بولعان تۇرعىن ۇستالدى. كۇدىكتى ءوزىنىڭ تانىسىنا توناۋ قىلمىسى بويىنشا ءىس قوزعاماۋدى سۇراعان، دەپ حابارلايدى قازاقپارات ءتىلشىسى.
قالالىق پ د باسپا ءسوز قىزمەتىنىڭ مالىمەتىنشە، ۇستالعان ازاماتتىڭ تانىسى قىلمىستىق كودەكستىڭ 191-بابىنىڭ 2-بولىگى (بىرنەشە رەت توناۋ) بويىنشا سوتتى بولعان. الايدا ول ارنايى ايماقارالىق سوتىمەن بەلگىلەنگەن شەكتەۋدى تۇنگى ۋاقىتتا بۇزعان. پارا بەرۋشى تانىسى ءۇشىن شارا قولدانباۋىن سۇراپ، جەرگىلىكتى پوليسيا قىزمەتىنىڭ قىزمەتكەرىنە پارا رەتىندە 20000 تەڭگە كولەمىندە اقشالاي قاراجات ۇسىنعان.
«پوليسيا قىزمەتكەرى اتالعان جايت بويىنشا وزىندىك قاۋىپسىزدىك باسقارماسىنا حابارلاپ، پارا بەرۋشى اقشانى ۇسىنىپ جاتقان كەزىندە قولعا ءتۇستى. قازىرگى تاڭدا ۇستالعان قالا تۇرعىنىنا قاتىستى كورىنەۋ زاڭسىز ارەكەتتەر جاساعانى ءۇشىن لاۋازىمدى تۇلعاعا پارا بەرۋ بويىنشا سوتقا دەيىنگى تەرگەپ- تەكسەرۋ امالدارى باستالدى» ، - دەلىنگەن حابارلامادا.
