ۋحاننان ەۆاكۋاتسيالانعان قازاقستاندىقتاردىڭ جاعدايى قاناعاتتانارلىق - مينيسترلىك
مينيسترلىك تاراتقان مالىمەتتەرگە قاراعاندا، ق ح ر مەن شەكارالاس مەملەكەتتەردەن كەلگەن ازاماتتارعا مونيتورينگ جالعاسۋدا. ماسەلەن، 2020 -جىلعى 6 - قاڭتاردان 11-اقپانعا دەيىن ەلىمىزگە 30911 ادام كەلدى.
6 - قاڭتار - 11 - اقپان ارالىعىندا دەنساۋلىق ساقتاۋ مينيسترلىگى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ سانيتارلىق- كارانتيندىك پۋنكتتەرىنىڭ ماماندارى حالىقارالىق اۋەجايلاردا جانە تەمىرجول ۆوكزالدارىندا قىتايمەن شەكارالاس مەملەكەتتەر ارقىلى وتكىزۋ پۋنكتتەرىندە - 30911 ادامدى قاراپ- تەكسەردى.
بۇگىنگى كۇنگە دەيىن جەدەل رەسپيراتورلى ۆيرۋستى ينفەكسيا (جرۆي) بەلگىلەرىمەن 144 ادام كوپشىلىكتەن وقشاۋلانىپ، ەمدەۋگە جاتقىزىلدى، ونىڭ 121 شىعارىلدى، ستاتسيونارلاردا مەديتسينالىق باقىلاۋدا 23 ادام قالدى.
قازاقستان رەسپۋبليكاسىنىڭ 83 ەۆاكۋاتسيالانعان ازاماتتارىنىڭ 13 ىندە جەڭىل دارەجەلى جرۆي كلينيكاسى جالعاسۋدا، كاتارالدى قۇبىلىستارى بار، دەنە قىزۋى كوتەرىلمەگەن.
ق ح ر ۋحان قالاسىنان رەسەي فەدەراتسياسىنا (تۇمەن وبلىسى - 3 ادام) جانە وزبەكستان رەسپۋبليكاسىنا (5 ادام) ەۆاكۋاتسيالانعان قازاقستان رەسپۋبليكاسى ازاماتتارىنىڭ جاعدايى قاناعاتتانارلىق، دەنە قىزۋى جوق، جرۆي بەلگىلەرى مەن شاعىمدارى انىقتالعان جوق.
سونداي- اق، كەشە تاڭەرتەڭگى ساعات 6:05 تە نۇر سۇلتان قالاسىنا قىتايدىڭ 36 قالاسىنان 217 قازاقستاندىق ازامات كەلدى. بارلىعى مەديتسينالىق جانە زەرتحانالىق تەكسەرۋدەن ءوتۋ ءۇشىن كەمىندە 3 كۇن مەرزىمگە اۋرۋحاناعا جەتكىزىلدى. ولاردىڭ دەنساۋلىق جاعدايى قاناعاتتانارلىق.
ەمدەۋگە جاتقىزىلعانداردىڭ بارلىعىنىڭ سىناماسىن قوسىمشا باقىلاۋ ءۇشىن الماتىداعى ايقىمبايەۆ اتىنداعى اسا قاۋىپتى ينفەكتسيالار ۇلتتىق عىلىمي ورتالىعىنا جىبەرىلدى. بۇل ورتالىق جاڭا كوروناۆيرۋستى پتر- دياگنوستيكالاۋ ادىستەمەسىن يگەرگەن.
رەسپۋبليكادا قولداۋشى تەراپيا ءۇشىن قاجەتتى دارىلىك زاتتار مەن مەديتسينالىق ماقساتتاعى بۇيىمدار بار، ينفەكتسيالىق اۋرۋحانالاردا وقشاۋلاۋعا ارنالعان بوكستار بار، ورىندار، دارىگەرلىك جانە ورتا مەديتسينا پەرسونالى دايىندالعان.
«بۇل جاعداي ق ر دەنساۋلىق ساقتاۋ مينيسترلىگىنىڭ تۇراقتى باقىلاۋىندا ەكەنىن اتاپ ءوتۋ قاجەت. قازاقستان رەسپۋبليكاسى دەنساۋلىق ساقتاۋ مينيسترلىگى جاڭا كوروناۆيرۋس ينفەكسياسىنىڭ تارالۋىن بولدىرماۋ ءۇشىن كەلەسى الدىن- الۋ شارالارىن ساقتاۋ قاجەت:
- قولدارىڭىز بەن بەتتى سابىنمەن ءجيى جانە مۇقيات جۋىڭىز؛
- قولدى زالالسىزداندىرۋدا ءسپيرتتى انتيسەپتيكتەردى قولدانۋ كەرەك؛
- ادامدار كوپ جينالاتىن ورىنداردان اۋلاق بولىڭىز؛
- ناۋقاس ادامدارمەن بايلانىستا بولماۋعا؛
- سۋىق تيۋ بەلگىلەرى (جوعارى تەمپەراتۋرا، مۇرىننىڭ بىتەلۋى، جوتەل، تاماقتىڭ اۋرۋى) پايدا بولعان جاعدايدا، تۇرعىلىقتى جەرىڭىز بويىنشا دارىگەرمەن كەڭەسۋ كەرەك. رەسمي اقپاراتتى دەنساۋلىق ساقتاۋ مينيسترلىگىنىڭ Facebook-تەگى پاراقشاسىنان وقي الاسىزدار جانە تۋىنداعان سۇراقتار بويىنشا 1406 ءنومىرى بويىنشا تاۋلىك بويى جۇمىس ىستەيتىن Call-ورتالىعىنا قوڭىراۋ شالۋعا بولادى» ، - دەلىنگەن حابارلامادا.
