يليا يلين تاشكەنتتەگى حالىقارالىق تۋرنيردە توپ جاردى

تاشكەنت. قازاقپارات - قازاقستاندىق زىلتەرىمشى يليا يلين تاشكەنتتە ءوتىپ جاتقان حالىقارالىق بىرلىك چەمپيوناتىندا جەڭىسكە جەتتى، دەپ جازادى Olympic.kz.

يلين 102 كەلىگە دەيىنگى سالماقتا سىنعا ءتۇستى. قوسسايىس ناتيجەسى بويىنشا قازاقستاندىق اۋىر اتلەت 355 كەلىنى (160+195) باعىندىرعان. ەكىنشى ورىندى كاتارلىق فارەس ەلباح ەنشىلەدى (353 كەلى) . ۇزدىك ۇشتىكتى وزبەكستان وكىلى وماربەك شوحنازاروۆ تۇيىندەدى (341 كەلى) .

ايتا كەتەلىك، وسىعان دەيىن قازاقستان كومانداسىنىڭ مۇشەسى يگور سون (61 كەلى) التىن جۇلدەگەر اتانعان بولاتىن.