كوروناۆيرۋسقا سەبەپ بولۋى مۇمكىن دەلىنگەن جارقانات تاعام رەتىندە ءالى دە سۇرانىستا
تاعى 40554 ازامات وسى دەرتتى جۇقتىرعان. قازىر دۇنيەجۇزىلىك دەنساۋلىق ساقتاۋ ۇيىمىنىڭ ءبىر توپ مامانى قىتايدا ءجۇر.
حيميالىق كوستيۋم كيگەن جۇرگىزۋشىلەر تۇرعىن ءۇي كەشەنىنەن ادامداردى ەۆاكۋاتسيالاۋدا. قۇددى ءبىر فيلمدەگى ەپيزودقا ۇقساس. بۇل گونكونگتا بۇگىن بولعان كورىنىس. جەرگىلىكتى تۇرعىن ءۇي كەشەنىندە كوروناۆيرۋسقا 2 ادامنىڭ شالدىققانى انىقتالدى. ۆيرۋس 10-قاباتتاعى ەر ادامنان 3-قاباتتىڭ تۇرعىنىنا جۇققان. عيماراتتان 100 دەن استام ادام ارنايى ورىنعا ەۆاكۋاتسيالانىپ، تەكسەرىس باستالدى. ماماندار اۋرۋ كارىز جانە جەلدەتكىش جۇيەسى ارقىلى تارالۋى مۇمكىن دەپ وتىر. جالپى تۇرعىن ۇيدە مىڭنان استام ادام بار.
ال يوكوگاما پورتىندا كارانتيندە تۇرعان دايموند پرينتسەسس لاينەرىنەن الدىمەن ەگدە جاستاعى جولاۋشىلار ەۆاكۋاتسيالاناتىن بولدى. ويتكەنى بۇل ادامداردىڭ يممۋنيتەتى ءالسىز بولعاندىقتان، قاۋىپتى كەسەلدى تەز جۇقتىرىپ الۋى مۇمكىن. بۇگىندە 3700 جولاۋشىسى مەن ەكيپاج مۇشەسى بار لاينەردە 130 ناۋقاس انىقتالعان.
وتە قاۋپتى اۋرۋدىڭ وسىلاي تاراپ جاتقانىنا قاراماستان يندونەزيانىڭ مانادو قالاسىندا مەيرامحانالاردىڭ جۇمىسى قىزىپ تۇر. جەرگىلىكتى دەليكاتەس - جارقاناتقا دەگەن سۇرانىس جوعارى.
ب ا ق وكىلدەرىنىڭ حابارلاۋىنشا، قاۋىپتى كەسەلدىڭ تاراۋى حۋبەي ەلدى مەكەنىندەگى تەڭىز ونىمدەرى بازارىنان شىققان. وسى جارقانات، جىلان جانە پانگولين جابايى جانۋارلارى ورشىگەن ۆيرۋستى تاسىمالداۋشى بولۋى ابدەن مۇمكىن.
دجەفري مانتاك، جەرگىلىكتى تۇرعىن:
- كوروناۆيرۋستى تاسىمالداۋشى جارقانات دەپ بۇكىل الەم جار سالىپ ءجۇر. ءبىراق مانادودا بۇل تۋرالى مۇلدەم ەستىمەدىك. كوپتەگەن ادام ءالى كۇنگە جەرگىلىكتى دەليكاتەستى جەپ ءجۇر. سەبەبى جارقاناتتى كوكوس سۇتىندە دايىنداسا، ءدامى ءتىل ۇيىرەدى.
كوكوس سۇتىندە بۇقتىرىلىپ، ءتۇرلى دامدەۋىش قوسىلاتىن جارعانات تاعامىن جەرگىلىكتى تۇرعىندار «پانيكي» دەپ اتايدى. يندونەزيانىڭ كەيبىر وڭىرىندە بۇل جابايى جانۋاردىڭ ەتىن دەمىكپەدەن ەمدەپ جازاتىن ءدارى رەتىندە قولدانادى.
جالپى سوڭعى دەرەكتەر بويىنشا ۆيرۋس قىتايدان بولەك 28 شەت ەلدە انىقتالعان. ال يندونەزيادا ءالى كوروناۆيرۋسقا شالدىققان ناۋقاس جوق.
www.24.kz
