ەلوردانىڭ ەكى كوشەسىندە ءبىر جاقتى قوزعالىس ەنگىزىلەدى
«15-اقپاننان باستاپ قالاداعى كولىك قۇرالدارىنىڭ قوزعالىسىن وڭتايلاندىرۋ ماقساتىندا رامازان جانە اۋباكىر ىسمايىلوۆ كوشەلەرىندە ءبىر جاقتى قوزعالىستى ەنگىزۋ جوسپارلانعان»، دەلىنگەن حابارلامادا.
قالا اكىمدىگىنە تۇرعىندار تاراپىنان اتالمىش كوشەلەردەگى قوزعالىستىڭ قيىن ەكەندىگى جونىندە كوپتەگەن ءوتىنىش كەلىپ تۇسكەن. ناتيجەسىندە، پوليتسيا دەپارتامەنتى اكىمشىلىك پوليتسيا باسقارماسىمەن بىرگە جولدىڭ تەحنيكالىق جاعدايىنا شولۋ جاساپ، ءبىر باعىتتى قوزعالىس ەنگىزۋ تۋرالى شەشىم قابىلدادى.
ايتا كەتەرلىگى، رامازان كوشەسىنىڭ بويىندا №10-مەكتەپ ورنالاسقان.
«كولىك قوزعالىسىن ساعات تىلىمەن ۇيىمداستىرۋ جوسپارلانعان، اتاپ ايتقاندا ءبىر جاقتى قوزعالىس رامازان كوشەسىنىڭ بويىمەن شىعىس باعىتتا جانە اۋباكىر ىسمايىلوۆ كوشەسىمەن باتىس باعىتقا قاراي ۇيىمداستىرىلادى. ەنگىزىلەتىن وزگەرىستەرگە بايلانىستى قۇزىرەتتى ورگاندار جۇرگىزۋشىلەردەن جول ەرەجەسىن ساقتاپ، ساپاردى الدىن الا جوسپارلاۋدى سۇرايدى»، دەلىنگەن حابارلامادا.
