ەكى وڭىردە ءبىرىنشى اۋىسىمداعى ساباقتار توقتاتىلدى

نۇر-سۇلتان. قازاقپارات - اۋا رايىنىڭ ناشارلاۋىنا بايلانىستى ەكى وڭىردە ءبىرىنشى اۋىسىم ءۇشىن ساباقتار توقتاتىلدى، دەپ حابارلايدى قازاقپارات.

اتاپ ايتقاندا، شىعىس قازاقستان وبلىسىنىڭ وسكەمەن (28- گرادۋس اياز) مەن سەمەي قالالارىندا (23- گرادۋس اياز)، التاي، (30- اياز) بورودۋليحا (32- اياز) جانە ۇلان (28- اياز) اۋداندارىندا، كۋرچاتوۆ قالاسىندا (23- اياز)، سونداي-اق جارما اۋدانىنىڭ (30- اياز) جاڭعىزتوبە، شۋاق جانە جارىق اۋىلدارىندا 1-4-سىنىپ ارالىعىندا ساباقتار بولمايدى.

ال شەمونايحا، (27- گرادۋس اياز) ، كوكپەكتى (30- اياز)، بەسقاراعاي (28- اياز) اۋداندارىندا جانە ريددەر قالاسىندا (27- اياز) 1-9-سىنىپ وقۋشىلارى مەكتەپكە بارمايدى.

زايسان اۋدانىندا كوكتايعاققا بايلانىستى 1-11-سىنىپتار ءۇشىن وقۋ پروتسەسى توقتاتىلدى.

سونداي-اق قاراعاندى وبلىسىنىڭ شەت اۋدانىندا 0-4-سىنىپتار وقىمايدى.

ايتا كەتەيىك، سينوپتيكتەر بىرنەشە وڭىردە اۋا رايىنىڭ بۇزىلاتىنى جونىندە ەسكەرتۋ جاريالاعان بولاتىن.