ەۋروپالىق وداقتا فينليانديا عانا ۋران وندىرەتىن بولدى
دەپ حابارلايدى قازاقپارات مەنشىكتى ءتىلشىسى EurActiv جۋرنالىنا سىلتەمە جاساپ.
بۇعان دەيىن چەحيا مەن رۋمىنيا وسىنداي قىزمەتتەرىن توقتاتقان بولاتىن. بولاشاقتا فين كومپانياسى ۋران كونسەنتراتىنا ۋران شيكىزاتىن وڭدەۋدى جوسپارلاپ وتىر. ول اتوم ەلەكتر ستانسالارىنا وتىن وندىرۋدەگى كەزەڭدەردىڭ بىرىندە قولدانىلادى.
5- اقپاندا بەرىلگەن رۇقسات Terrafame-گە جىلىنا 250 توننا ۋران وندىرۋگە مۇمكىندىك بەرەدى. دەگەنمەن، كومپانيانىڭ باعالاۋى بويىنشا، ناقتى ءىس جۇزىندە ءوندىرۋ ءبىرشاما از بولۋى دا مۇمكىن.
فينليانديانىڭ ەكى اتوم ەلەكتر ستانساسى بۇل شەشىمنەن پايدا كورمەيدى. ۋران كونسەنتراتىن سولتۇستىك امەريكاعا نەمەسە باسقا ەۋروپا ەلدەرىنە ەكسپورتتاۋ جوسپارلانۋدا.
الايدا، Terrafame ەكسپورتتىق قىزمەتىنىڭ مۇمكىندىگى ءۇشىن ەلدىڭ سىرتقى ىستەر مينيسترلىگى مەن اتوم ەنەرگياسى جونىندەگى ەۋروپالىق قوعامداستىقتان رۇقساتتى تالاپ ەتەدى.
ءوز كەزەگىندە فين تابيعات قورعاۋ قاۋىمداستىعى ۇكىمەتتىڭ شەشىمىنە جوعارعى اكىمشىلىك سوتقا شاعىم ءتۇسىرۋى مۇمكىن. بۇدان بولەك، كومپانيا بۇرىن تابيعاتتى قورعاۋ زاڭناماسىن بۇزعان.
بۇل پروتسەستىڭ بارلىعى بىرنەشە جىلعا سوزىلۋى مۇمكىن، سوڭعى شەشىم 2022 -جىلدىڭ باسىنا دەيىن شىقپاۋى مۇمكىن.
