18:51, 11 - اقپان 2020 | GMT +5
قورداي وقيعاسى: زارداپ شەككەن اقساقال اۋرۋحانادان شىعارىلادى
الماتى. قازاقپارات - قورداي اۋدانىنداعى وقيعادا زارداپ شەككەن تولەگەن قۇداشپايەۆتى اۋرۋحانادان شىعارۋعا دايىنداپ جاتىر. بۇل تۋرالى ق ر دەنساۋلىق ساقتاۋ ۆيتسە- ءمينيسترى كامالجان نادىروۆ مالىمدەدى، دەپ حابارلايدى قازاقپارات ءتىلشىسى.
«كەشە ءبىز كوپبەيىندى كلينيكالىق اۋرۋحانادا جاتقان ناۋقاستىڭ جاعدايىن بىلدىك. ول قارت كىسى. اقساقالعا وتا ءساتتى جاسالدى. بۇگىن ول جانساقتاۋ بولىمىنەن پالاتاعا اۋىستىرىلدى. ونىڭ جاعدايى قاناعاتتانارلىق. ءبىز ونى اۋرۋحانادان شىعارۋعا دايىنداپ جاتىرمىز»، - دەدى كامالجان نادىروۆ.
ەسكە سالايىق، 5 - اقپان كۇنى قورداي اۋدانىندا اقساقال مەن ونىڭ ۇلدارىن سوققىعا جىققان. تولەگەن قۇداشپايەۆتى جامباسىنا وتا جاساۋ ءۇشىن الماتىعا ساناۆياتسيامەن جەتكىزدى.
اۆتور: الما مۇقانوۆا
