اقتوبەلىك ازاماتءومىر بويى كولىك جۇرگىزۋ قۇقىعىنان ايىرىلدى

اقتوبە. قازاقپارات - جۇرگىزۋشى كۋالىگىنەن ايىرىلعان اقتوبەلىك ماس كۇيىندە قايتا رۋلگە وتىرعانى ءۇشىن ءومىر بويى كولىك جۇرگىزۋ قۇقىعىنان ايىرىلدى، دەپ حابارلايدى قازاقپارات ءتىلشىسى.

ايتا كەتەيىك، 14 - قاڭتار كۇنى ساعات 00:10 دا پاترۋلدىك پوليتسيا قىزمەتى 101 اتقىشتار بريگاداسى اۋدانىندا تويوتا- كامري كولىگىن توقتاتقان. كولىك يەسى جۇرگىزۋشىسى كۋالىگىنەن ايىرىلعانىنا قاراماستان قايتادان ماس كۇيىندە رۋلگە وتىرعان.

«№2 اقتوبە قالالىق سوتى ونى قىلمىستىق كودەكستىڭ 346-بابى 1-بولىگى بويىنشا ايىپتى دەپ تانىپ، 2 جىلعا باس بوستاندىعىنان شەكتەۋ جازاسىن تاعايىندادى. وعان 40 مىڭ تەڭگە ايىپپۇل سالىندى جانە ءومىر بويى كولىك جۇرگىزۋ قۇقىعىنان ايىرىلدى» ، - دەدى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.

ايتا كەتەيىك، بيىل ماس كۇيىندە كولىك جۇرگىزگەن 9 اقتوبەلىك كولىك جۇرگىزۋ قۇقىعىنان ايىرىلدى.