قازاقستاندا گولوۆكيننىڭ جولىن قۋاتىن كىم بار؟

نۇر- سۇلتان. قازاقپارات - GGG/360 Promotions كومپانياسىنىڭ باسقارۋشى ديرەكتورى توم لەففلەر گەننادي گولوۆكيننىڭ ءوز پروموۋشەنىن دامىتۋ بويىنشا جوسپارلارى تۋرالى ايتتى جانە تاعى ءبىر قازاقستان وكىلى الي احمەدوۆتىڭ بولاشاعى تۋرالى پىكىر ءبىلدىردى، دەپ جازادى Sports.kz.

احمەدوۆ GGG Promotions كليەنتى جانە گولوۆكينمەن ءبىر كوماندادا جاتتىعادى.

«گەننادي GGG Promotions كە باسقا دا بوكسشىلاردى العىسى كەلەدى. وندا GGG Promotions كە جازىلعان الي احمەدوۆ بار. الي - ۇلكەن دارىن يەسى. ول دجوناتون بەنكسپەن جانە گەنناديمەن جاتتىعىپ ءجۇر. ەگەر گولوۆكين GGG Promotions كە جاڭا بوكسشىلاردى العىسى كەلسە، ۇلكەن تابىسقا قول جەتكىزەدى. سەبەبى، بوكسشىلار گەنناديدىڭ جەتىستىگىن قۇرمەتتەيدى.

ءالي الەم چەمپيونى اتاعىنا كوپ ۋاقىت وتپەي- اق قول جەتكىزەدى دەپ ويلايمىن. ونىڭ قارقىنى جاقسى جانە دجوناتوننىڭ قولاستىندا ءبىراز دۇنيە ۇيرەندى. وعان جاڭا قارسىلاستار كەرەك» ، - دەدى لەففلەر Under the Hand Wraps-كە بەرگەن سۇحباتىندا.