الماتى قالاسىنا ارنالعان ادەبي بايقاۋ جاريالاندى

بايقاۋدىڭ ماقساتى - قازاقستان رەسپۋبليكاسىنىڭ پرەزيدەنتى قاسىم- جومارت كەمەل ۇلىنىڭ تاپسىرماسىمەن ەلباسىمىز نۇرسۇلتان ءابىش ۇلىنىڭ ەل دامۋى جولىندا باسشىلىققا العان «ۇلى دالانىڭ جەتى قىرى» اتتى باعدارلامالىق ماقالاسىندا كورسەتىلگەن نەگىزگى مىندەتتەردى ارى قاراي جۇزەگە اسىرۋ. مىڭ جىلدىق تاريحتان تامىر تارتاتىن ەل جاستارىنىڭ رۋحاني استاناسىنا اينالعان الماتى قالاسىنىڭ تەرەڭ تاريحىن تانىتىپ، كوپشىلىككە دارىپتەۋ - دەيدى ۇيىمداستىرۋشىلار.
سونىمەن قاتار، قازاق ادەبيەتىنە اياق باسقان دارىندى جاستاردىڭ شىعارماشىلىعىن شىڭداپ، ولاردىڭ قالامىنان تۋعان تىڭ دۇنيەلەردى ەل كولەمىندە ناسيحاتتاۋ ارقىلى رۋحاني استانامىز بولعان ارمان قالانىڭ ءار قىرىن كەڭىنەن تانىتۋ. تاۋەلسىزدىگىمىزدىڭ كۋاگەرى، ەل تاريحىنىڭ باستاۋى جانە التىن قازىعى بولعان الماتى قالاسىنىڭ ابىرويىن اسقاقتاتىپ، بۇگىنگى بولمىسىن كورسەتۋ ءۇشىن اعا بۋىن قالامگەرلەردى دە تارتۋ - وسى بايقاۋ ماقساتتارىنىڭ ءبىرى.
بايقاۋعا وتىنىشتەردى قابىلداۋ 2020 -جىل 1 -ناۋرىزىنا دەيىن جۇرگىزىلەدى.
بايقاۋعا قاتىسۋشىلار «الماتى - وركەنيەت ورداسى» اتتى ورتاق تاقىرىپتا ادەبي جانرلارعا بايلانىستى تومەندەگىدەي بەس اتالىم بويىنشا باق سىنايدى: پوەزيا، پروزا، بالالار ادەبيەتى (پوەزيا نەمەسە پروزا) ، دراما، قىسقامەتراجدى فيلمگە كوركەم سەناري
بايقاۋ ەرەجەسىمەن تولىعىراق مىنا جەردە تانىسۋعا بولادى.