قازاقستاننىڭ قاي وڭىرلەرىنە سۋ تاسقىنى قاۋپى ءتونىپ تۇر
ونىڭ ايتۋىنشا، ەلدى مەكەندەردى سۋ تاسقىنىنان قورعاۋ ءۇشىن «2017-2020 -جىلدارعا ارنالعان سۋ تاسقىنى قاۋىپ- قاتەرىنىڭ الدىن الۋ جانە ولاردى جويۋ بويىنشا شارالار كەشەنى» جول كارتاسى جۇزەگە اسىرىلۋدا.
«جول كارتاسىندا 521 ءىس- شارانى ورىنداۋ كوزدەلگەن. بۇل باعدارلامانى قارجىلاندىرۋعا رەسپۋبليكالىق جانە جەرگىلىكتى بيۋدجەتتەن 70 ميلليارد تەڭگە قاراستىرىلعان. ءۇش جىلدا جول كارتاسىنىڭ تاپسىرمالارىن ىسكە اسىرۋ 1046 ەلدى مەكەننىڭ 724 ىندەگى قاۋىپ- قاتەردى ازايتۋعا مۇمكىندىك بەردى. بۇل جۇمىس ءالى اياقتالمادى، بيىل جالعاستىرىپ، باعدارلامانى تولىعىمەن ورىندايمىز» ، - دەدى يۋ. يلين ق ر پارلامەنتى ماجىلىسىندە ەكولوگيا ماسەلەلەرى جانە تابيعات پايدالانۋ كوميتەتىنىڭ وتىرىسىندا.
جول كارتاسىنا سايكەس، 2019 -جىلى اقتوبە، اتىراۋ، ش ق و، جامبىل، ب ق و، ماڭعىستاۋ، پاۆلودار، تۇركىستان، قوستاناي وبلىستارىندا 36 شارا جاسالعان.
«بۇل ەلدى مەكەندەردى سۋ باسۋ قاۋپىن تۋدىرۋى مۇمكىن. جول كارتاسىندا كورسەتىلگەن شارالاردىڭ ورىندالماۋ سەبەبى - قاراجاتتىڭ جەتپەۋى، جوبالىق- سمەتالىق قۇجاتتامانىڭ بولماۋى جانە جول كارتاسىنىڭ كەش ورىندالۋى. قازىر جەرگىلىكتى اتقارۋشى ورگانداردىڭ باستى مىندەتى - ەلدى مەكەندەردى قاردان تازارتۋ» ، - دەدى ءمينيستردىڭ ورىنباسارى.
اسىرەسە، نۇر- سۇلتان قالاسى مەن وعان ىرگەلەس اقمولا، پاۆلودار، قوستاناي وبلىستارىنا قار كوپ جاۋعان.
«وڭتۇستىك قازاقستانداعى سىرداريا سۋ قويماسىندا قاۋىپ جوق. ونداعى سۋ 3,6-3,9 ميلليارد تەكشە مەترگە جەتەدى. سىردارياداعى مۇز قالىڭدىعى وتكەن جىلمەن سالىستىرعاندا تومەن، سوندىقتان سۋ كوبەيگەندە قابىرشاق مۇز كوبەيىپ، كەدەرگى كەلەدى دەپ ويلامايمىز. وزەن القابىنان اسىپ كەتپەيدى. جامبىل وبلىسىندا دا ەش قاۋىپ جوق» ، - دەدى يۋري يلين.
الماتى وبلىسى بويىنشا كوكتەمدە قار ەرىپ، جاڭبىر جاۋعاندا سۋ تاسقىنى قاۋپى تۋىنداۋى مۇمكىن.
«ش ق و بويىنشا كەيبىر تاۋلى ايماقتارداعى قاردىڭ جامىلعىسى %25 كوبىرەك. قولداعى قورىمىز ەركىن جۇمىس ىستەۋگە مۇمكىندىك بەرەدى. وتكەن جىلى سەمەي قالاسىندا توتەنشە جاعداي بولدى، سۋ قويماسىندا كەپتەلىس بولىپ، مۇز قاتتى، سايكەسىنشە ەرتىس وزەنىنىڭ تاسۋىنا اكەپ سوقتى» ، - دەدى ول.
ىشكى ىستەر مينيسترلىگى سۋ تاسقىنى بولعان جاعدايدا، ەڭ الدىمەن ورتالىق قازاقستان اۋماعى باقىلاناتىنىن ايتادى.
يۋري ءيليننىڭ ايتۋىنشا، قاردىڭ كوپتىگىنەن ۆياچەسلاۆ سۋ قويماسى تەز تولۋى مۇمكىن. سوندىقتان قازىر الدىن- الا سۋدى اعىزۋ تۋرالى شەشىم قابىلدانباق.
«جاۋىن- شاشىن كوپ جاۋعان اقمولا وبلىسىنىڭ تومەنگى بولىگىندە قيىندىق تۋىنداۋى مۇمكىن. ول جاقتا قاجەتتى شارالار قابىلداندى، 500 دەن استام ءۇي ەسەپكە الىندى. قازىر اكىمدىك جاڭا باعدارلاما ازىرلەپ جاتىر، وندا قاۋىپتى اۋدانداردا قالعان تۇرعىنداردى جاڭا تۇرعىن ۇيلەرگە كوشىرۋ ءۇشىن قاراجات بولىنەدى. سودان كەيىن ءبىز اتباسارداعى قاۋىپ- قاتەر رەجيمىن الىپ تاستايمىز» ، - دەدى يۋري يلين.
سونىمەن بىرگە، سولتۇستىك قازاقستانداعى سەرگەيەۆكا سۋ قويماسىنداعى جاعداي قالىپتى. وندا حالىقتى سۋ باسۋ قاۋپى جوق.
