ماماندار كوروناۆيرۋستىڭ تارالۋىنىڭ جاقسى قىرلارىن اتادى
ماماننىڭ سوزىنشە، تۇرعىندار اۋرۋدىڭ شەتەلدەرگە تارالۋىنان قورىققاندىقتان ءوز دەنساۋلىقتارىنا ءجىتى كوڭىل بولەتىن بولعان.
مياسنيكوۆتىڭ مالىمدەۋىنشە، قازىر كوروناۆيرۋستان باسقا ينفەكسيالاردىڭ ءورشىپ تۇرعان كەزىندە، پروفيلاكتيكالىق شارالاردى ساقتاعان ءجون.
«كوروناۆيرۋستى ەستىگەن ادامدار قولدارىن ءجيى جۋىپ، مەديتسينالىق بەتپەردە كيىپ، تۇشكىرىپ جانە جوتەلىپ جۇرگەندەردەن قاشاتىن بولىپتى. ەندى تۇماۋ ەكپەسىن ەكتىرۋگە بارسا ءتىپتى جاقسى بولار ەدى»، - دەيدى تەلە دارىگەر.
دارىگەر سۋىق تيگىزىپ، اۋىرىپ قالعان ادامدارعا ۇيدەن شىقپاۋعا كەڭەس بەردى. ەگەر جوتەلىپ جۇرسەڭىز، كونتسەرتكە، قوناققا بارماعان ءجون دەيدى ول.
«تۇماۋدان كوز جۇمعانداردىڭ سانى قىتايلىق ىندەتتىڭ كەسىرىنەن جان تاپسىرعانداردان اسىپ تۇسەدى. تۇماۋ «قورقىنىشتى كوروناۆيرۋستان» دە جامان اۋرۋ»، - دەپ قوستى مياسنيكوۆ.
بۇعان قوسا مامان ابىگەرگە ءتۇسىپ، اۋرۋدى جۇقتىرىپ الامىن دەپ قورقۋدىڭ ەش قاجەتى جوق دەيدى.
