15:07, 11 - اقپان 2020 | GMT +5
ارمەنيالىق فۋتبولشى «توبىلدىڭ» جارتىلاي قورعاۋشىسى بولدى
قوستاناي. قازاقپارات - قوستاناي كلۋبى ارمەنيا قۇراماسىنىڭ جارتىلاي قورعاۋشىسى پەتروس اۆەتيسيانمەن ەڭبەك كەلىسىمىن جاسادى، دەپ حابارلايدى قازاقپارات.
كلۋبتىڭ باسپا ءسوز قىزمەتىنىڭ مالىمەتىنشە، پەتروس اۆەتيسيان مانسابىن 2014 -جىلى ەريەۆانداعى «بانانتس» كلۋبىندا باستادى. سول جىلى ىشكى بىرىنشىلىكتە دەبيۋت جاساعان. ەكى ماۋسىمدا ول كوماندانىڭ نەگىزگى ويىنشىلارىنىڭ ءبىرى بولدى، ەل كۋبوگى مەن سۋپەركۋبوگىن جەڭىپ الدى.
2016 -جىلدىڭ جازىندا ول «پيۋنيكپەن» كەلىسىمشارتقا قول قويدى، وندا ەكى ماۋسىم وتكىزدى. پەتروس بۇعان دەيىن «ارارات- ارمەنيا» كلۋبىندا بولدى. ەريەۆان كومانداسىنىڭ قۇرامىندا اۆەتيسيان چەمپيونات «التىنىن» جانە سۋپەركۋبوكتى جەڭىپ الدى.
وتكەن جىلى جارتىلاي قورعاۋشى ارمەنيا قۇراماسى ساپىندا بەس ماتچ وتكىزدى.
