بەردىبەك ساپاربايەۆ وبلىس اكىمى بولىپ تاعايىندالۋىنا قاتىستى پىكىر ءبىلدىردى
بۇل تۋرالى بۇگىن ۇكىمەت وتىرىسىنان كەيىن جامبىل وبلىسىنىڭ اكىمى بەردىبەك ساپاربايەۆ ايتتى، دەپ حابارلايدى قازاقپارات ءتىلشىسى.
«وكىنىشكە قاراي، ازىرشە، كەلتىرىلگەن شىعىن كولەمىن ايتا المايمىن. جۇمىس توبى جۇمىس ىستەپ، زارداپ كەلگەن بارلىق تۇرعىن ۇيلەردى، ساۋدا نۇكتەلەرىن زەردەلەپ جاتىر. تاياۋ كۇندەردىڭ ىشىندە ءبىز كەلتىرىلگەن شىعىن كولەمىن جاريا ەتەمىز. سودان كەيىن ۇكىمەتكە ۇسىنىس ەنگىزىلەدى. بۇعان قوسا، بۇگىن اتاپ وتكەنىمدەي، اتالعان وڭىردەن شىققان كاسىپكەرلەرمەن، بيزنەسمەندەرمەن زارداپ شەككەندەرگە كومەكتەسۋ ماسەلەسىن دە سويلەسىپ جاتىرمىز»، - دەدى جامبىل وبلىسىنىڭ اكىمى.
بەردىبەك ساپاربايەۆ پرەزيدەنت تاپسىرماسىنا سايكەس، جامبىل وبلىسىنىڭ قورداي اۋدانىندا بولعان جاعدايعا بايلانىستى قۇرىلعان كوميسسيانىڭ ءتوراعاسى بولىپ قالاتىندىعىن، جۇمىس جالعاساتىندىعىن اتاپ ءوتتى. سونىمەن قاتار ول جامبىل وبلىسىنىڭ اكىمى بولىپ تاعايىندالۋىنا قاتىستى پىكىر ءبىلدىردى.
«ونى شەشەتىن مەملەكەت باسشىسى. مەملەكەت باسشىسى وسىنداي شەشىم قابىلداعاننان كەيىن مەن ونى ورىنداۋعا مىندەتتىمىن. كەزىندە مينيستر بولسام، قازىر اكىم رەتىندە جامبىل وبلىسىندا ورىن العان وقيعا سالدارىن تەزىرەك جويۋعا قاتىستى جۇمىس ىستەيمىز»، - دەدى ول.
