اقتوبەدە «باقىتتى وتباسى» ورتالىعى اشىلدى
«باقىتتى وتباسى» ورتالىعى اتا-انا مەن بالالار اراسىنداعى قارىم-قاتىناستى نىعايتىپ، وتباسىلىق ماسەلەلەردى شەشۋگە نەگىز بولماق. بۇل جەردە ۇلت قۇندىلىقتارى دا ناسيحاتتالادى.
«سوڭعى جىلدارى ەلىمىزدە بالا تاربيەسى مەن وتباسى قۇندىلىقتارىنا كوپ كوڭىل بولىنۋدە. بالالاردى قورعاۋ، وتباسىن قولداۋ ماسەلەلەرى قاشاندا Nur Otan پارتياسىنىڭ نازارىندا. وسى ورايدا 7 جىل بۇرىن پارتيا باستاماسىمەن مەملەكەتتىك ورگاندار مەن ازاماتتىق قوعامدى جۇمىلدىرىپ، وتباسىلارعا ناقتى ءىس جۇزىندە كومەك كورسەتۋ، وزەكتى ماسەلەلەرىن شەشۋ جۇمىسى اتقارىلىپ كەلەدى. قازىرگى ۋاقىتتا وڭىرىمىزدە وتباسى ۇلگىسىندەگى 4 بالالار ءۇيى (حرومتاۋ، مارتوك، قوبدا، تەمىر) جۇمىس ىستەيدى. «مەيىرىم« جاستاردى الەۋمەتتىك بەيىمدەۋ ورتالىعىن «ءسابي» جەكە قايىرىمدىلىق قورى سىيعا تارتتى. ورتالىق 80 پاتەر مەن اكىمشىلىك عيماراتتان تۇرادى. ورتالىقتىڭ نەگىزگى قىزمەتى - بالالار ۇيلەرىنىڭ تۇلەكتەرىن الەۋمەتتىك بەيىمدەۋ»، - دەدى Nur Otan پارتياسىنىڭ وبلىستىق فيليال ءتوراعاسىنىڭ ءبىرىنشى ورىنباسارى ەربول داناعۇلوۆ.
مۇقتاج جاندارعا كومەك كورسەتۋ، ولاردى قولداۋ - «باقىتتى وتباسى» جوباسىنىڭ باستى ماقساتىنىڭ ءبىرى. وتكەن جىلى كامەلەتكە تولماعانداردى بەيىمدەۋ ورتالىعى مەن العا بالالار ءۇيىن بىرىكتىرۋ ناتيجەسىندە «ايالا» قيىن ومىرلىك جاعدايدا جۇرگەن بالالاردى قولداۋ ورتالىعى اشىلدى. سونداي- اق اقتوبە قالاسىندا «ماليكە» ارنايى قولداۋ ورتالىعى جۇمىس ىستەپ تۇر. بۇل جەردە ءومىردىڭ قيىن جاعدايىنا تاپ بولعان ايەلدەر مەن بالالارعا پسيحولوگيالىق، زاڭگەرلىك جانە الەۋمەتتىك قىزمەت كورسەتىلىپ كەلەدى. ال وبلىسىمىزداعى «كۇنشۋاق» ينكليۋزيۆتى بالالار لاگەرىندە وتكەن جىلى 600 دەن استام ەرەكشە ءبىلىم بەرۋ قاجەتتىلىگى بار بالالار قۇرداستارىمەن بىرگە دەمالدى.
ايتا كەتەيىك، «باقىتتى وتباسى» ورتالىعى وتباسىلىق كومەككە مۇقتاج جاندارعا ارنايى قىزمەت كورسەتەدى. ورتالىقتاعى پسيحولوگ، مەدياتور، زاڭگەر، الەۋمەتتىك پەداگوگ، مەملەكەتتىك مەمەمە قىزمەتكەرلەرى، دەپۋتاتتار، قوعامدىق ۇيىم بەلسەندىلەرى قابىلداۋ وتكىزەتىن بولادى. قۇقىق قورعاۋ ماسەلەلەرى، جۇمىسپەن قامتۋ جانە الەۋمەتتىك كومەك كورسەتۋ، زەينەتاقىنا تاعايىنداۋ، ءبىلىم بەرۋ مەن تاربيە، بالالاردى مەكتەپكە دەيىنگى ۇيىمدارمەن قامتاماسىز ەتۋ، تۇرعىن ءۇي، جەر بەرۋ ماسەلەلەرى دە وسى ورتالىقتا قارالادى.
