اسقار مىرزاحمەتوۆ جامبىل وبلىسىنىڭ اكىمى لاۋازىمىنان كەتتى

نۇر- سۇلتان. قازاقپارات - اسقار مىرزاحمەتوۆ جامبىل وبلىسىنىڭ اكىمى لاۋازىمىنان بوساتىلدى. بۇل تۋرالى اقوردانىڭ باسپا ءسوز قىزمەتى حابارلادى.

اسقار يسابەك ۇلى مىرزاحمەتوۆ 1962 -جىلى 1 - قازاندا شىمكەنت قالاسىندا دۇنيەگە كەلگەن. اۋىل شارۋاشىلىعى جانە ەكونوميكا ماماندىقتارى بويىنشا ءبىلىم العان.

1997 -جىلدان 2006 -جىلدىڭ قاڭتارىنا دەيىن قازاقستان پرەمەر- ءمينيسترىنىڭ كەڭەسشىسى، قازاقستان رەسپۋبليكاسى اۋىل شارۋاشىلىعى ۆيتسە- ءمينيسترى، ءبىرىنشى ۆيتسە- ءمينيسترى جانە اۋىل شارۋاشىلىعى ءمينيسترى لاۋازىمدارىندا قىزمەت اتقارعان.

2006 -جىلدىڭ ساۋىرىنەن 2007 -جىلدىڭ قىركۇيەگى اراسىندا قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى.

2007 -جىلدىڭ قىركۇيەگىنەن 2009 -جىلدىڭ ناۋرىزى ارالىعىندا - «وڭتۇستىك» الەۋمەتتىك كاسىپكەرلىك كورپوراتسياسى» ۇلتتىق كومپانياسى» ا ق باسقارماسىنىڭ ءتوراعاسى.

2009 -جىلعى ناۋرىزدان 2015 -جىلعى تامىزعا دەيىن - وڭتۇستىك قازاقستان وبلىسىنىڭ اكىمى.

2015 -جىلعى تامىزدان باستاپ 2016 -جىلدىڭ مامىرىنا دەيىن - «نۇر وتان» پارتياسى ءتوراعاسىنىڭ ءبىرىنشى ورىنباسارى.

2016 -جىلدىڭ مامىرىنان – ق ر اۋىل شارۋاشىلىعى ءمينيسترى.

2016 -جىلدىڭ ماۋسىمىندا مەملەكەت باسشىسىنىڭ جارلىعىمەن پرەمەر- ءمينيستردىڭ ورىنباسارى قىزمەتىنە تاعايىندالدى (ق ر پرەمەر- ءمينيسترىنىڭ ورىنباسارى – ق ر اۋىل شارۋاشىلىعى ءمينيسترى) بولدى.

2018 -جىلدىڭ 10 - قاڭتارىندا جامبىل وبلىسىنىڭ اكىمى لاۋازىمىنا تاعايىندالدى.