كوروناۆيرۋس قىتاي ەكونوميكاسىنا قالاي اسەر ەتتى

نۇر-سۇلتان. قازاقپارات - بيىل جاڭاجىلدىق مەرەكە كەزىندە قىتايلىقتاردىڭ ەل ىشىندەگى قاتىناسى بىلتىرعىدان 73 پروتسەنتكە تومەن بولدى. مۇنداي مالىمەتتى قىتايدىڭ كولىك مينيسترلىگى جاريالادى، دەپ حابارلايدى «حابار 24».

اقپاراتقا قاراعاندا تەمىرجول جولاۋشىلارىنىڭ سانى 67 پروتسەنتكە، تاس جولدارداعى ءجۇرىس 73 پروتسەنتكە، سۋ ارقىلى بايلانىس 80 پروتسەنتكە، ال ازاماتتىق اۆياتسيا قىزمەتىن تۇتىنۋشىلار 57 پروتسەنتكە از بولعان. بۇل ءوز كەزەگىندە ەلدىڭ تۋريزم سالاسىن تۇرالاتىپ، قوناق ءۇي مەن مەيرامحانالاردىڭ، ساۋدا نۇكتەلەرىنىڭ تابىسىن ازايتتى. ونىڭ ۇستىنە جەرگىلىكتى بيلىك مەركەگە بايلانىستى جۇمىسىن ۋاقىتشا توقتاتقان فابريكالارعا دەمالىس مەرزىمىن ۇزارتۋعا كەڭەس بەردى.

ساراپشىلاردىڭ ايتۋىنشا، ازاماتتاردىڭ دەمالىستا بولىپ، تابىسىنىڭ ازايۋى ەلدەگى نەسيە قارىزدارىنىڭ ۋاقىتىلى تولەنبەۋىنە اكەلىپ سوعۋى مۇمكىن. بۇل ەلدەگى ەكونوميكالىق بەلسەندىلىكتى تومەندەتىپ، قىتاي بانكتەرىنىڭ اكتيۆتەرىنىڭ ارزانداۋىنا اسەر ەتەدى.

www.24.kz