عارىش سەلفيى

نۇر-سۇلتان. قازاقپارات - امەريكالىق عارىشكەرى كريستينا كوح حالىقارالىق عارىش ستانسياسىندا ءبىر جىلعا جۋىق ۋاقىت وتكىزگەن سوڭ جەرگە ورالدى.

NASA عارىشكەرى كريستينا كوح پەن رەسەيلىك الەكساندر سكۆورتسوۆ (روسكوسموس) جانە لۋكا پارميتانو (ەۋروپا عارىش اگەنتتىگى) وتىرعان كاپسۋلا قازاقستانعا قونعان بولاتىن. كريستينا كوح حالىقارالىق عارىش ستانسياسىندا 328 كۇن وتكىزگەن. بۇل - ايەل عارىشكەرلەر اراسىنداعى ەڭ جوعارى كورسەتكىش. امەريكالىق استروناۆت 2019 -جىلدىڭ 14- ناۋرىزى كۇنى ح ع س- قا كەلگەن بولاتىن. بۇعان دەيىن ايەل استروناۆتار اراسىنداعى رەكورد پەگگي ۋيتسونعا تيەسىلى ەدى. ول 2016-2017 -جىلدارى حالىقارالىق عارىش ستانتسياسىندا 288 كۇن جۇمىس ىستەدى. ا ق ش عارىش اگەنتتىگىنىڭ مالىمدەۋىنشە، كريستينا كوحتىڭ وربيتادا ۇزاق بولۋى - عارىشتىڭ ايەل اعزاسىنا قالاي اسەر ەتەنىن انىقتاۋعا تاماشا مۇمكىندىك. وسى ساپاردان الىنعان دەرەكتەر اي مەن مارسقا ۇشۋعا دايىندىق كەزىندە قولدانىلادى. ال عارىشتا بولۋ ۇزاقتىعى بويىنشا رەكورد سكوتت كەلليگە تيەسىلى ەكەن. ول حالىقارالىق عارىش ستانتسياسىندا 340 كۇن بولعان. وسى ۋاقىت ارالىعىندا ەر ادامنىڭ ومىرتقاسى 5 سانتيمەترگە سوزىلعان، ال ۇيىنە ورالعاننان كەيىن ەكى كۇننىڭ ىشىندە قايتا قالپىنا كەلگەن.

كريستينا كوح حالىقارالىق عارىش ستانتسياسىندا 210 نان اسا عىلىمى زەرتتەۋلەرگە قاتىسىپ، NASA- نىڭ Artemis جوباسى اياسىندا ايدى زەرتتەۋگە قاجەتتى دەرەكتەردى جينادى. اقپاراتتىڭ باسىم بولىگى عارىشتا ۇزاق ۋاقىت وتكىزگەن ادامنىڭ اعزاسىندا قانداي وزگەرىس بولىپ، وعان قالاي اسەر ەتەتىنى جايلى بولعان. سونداي- اق كريستينا كوح عارىشتىڭ جۇلىنعا قالاي اسەر ەتىنىن انىقتاۋ ءۇشىن ارنايى ەكسپەريمەنتكە قاتىستى. اۋقىمدى عىلىمي جوبالاردان بولەك كريستينا كوح تۇراقتى تۇردە جەر مەن حالىقارالىق عارىش ستانتسياسىنىڭ ماڭىندا بولعان ەرەكشە قۇبىلىستاردى سۋرەتكە ءتۇسىرىپ وتىردى. ونىڭ ىشىندە جەر وربيتاسىندا جاساعان «سەلفيى» الەۋمەتتىك جەلىدە كەڭىنەن تارادى. دەگەنمەن بۇل ادام بالاسىنىڭ عارىشتا جاساعان العاشقى سەلفيى ەمەس.

سوناۋ 1966 -جىلى بازز ولدرين عارىشتا بولۋ ۇزاقتىعى بويىنشا رەكورد جاڭارتىپ قانا قويماي، جەر وربيتاسىندا سەلفي جاساعان تۇڭعىش ادام اتاندى. ايعا قادام باسقان ەكىنشى ادام عارىشتاعى سەلفيىن ارادا 50 جىل وتكەن Twitter- پاراقشاسىندا جاريالاعان. استروناۆت «سىزدەر مەنىڭ 1966 -جىلى دجەميني-12 عارىش كەمەسىندە تۇسىرگەن عارىش سەلفيىم تۋرالى بىلەسىزدەر مە؟ « دەپ جازىپ، فوتوسىن جۇكتەدى. بازز ولدرين - ا ق ش- تىڭ ايدى باعىندىرۋ جوباسىنا قاتىسقان العاشقى عارىشكەرلەرىنىڭ ءبىرى. ول 1969 -جىلى نيل ارمسترونگپەن بىرگە «اپپولون-11» عارىش كەمەسىنەن اتتاپ، ايعا قادام باسادى. ا ق ش عارىش اگەنتتىگى جەر وربيتاسىندا ساپالى فوتو ءتۇسىرۋ ءۇشىن Nikon كومپانياسىنا 53 تۇرلەنبەگەن اينالى فوتواپپارات جاساتقان. بۇل اپپاراتتار گراۆيتاتسيا از جانە ءار ءتۇرلى تەمپەراتۋرادا جۇمىس ىستەۋگە ىڭعايلى ەتىپ جاسالعان.

Massaget.kz