ماجىلىسمەندەر قوردايدا زارداپ شەككەندەرگە ءبىر كۇندىك جالاقىسىن اۋداردى

نۇر- سۇلتان. قازاقپارات - پالاتا سپيكەرى نۇرلان نىعماتۋليننىڭ توراعالىعىمەن ءماجىلىس بيۋروسى ءبىر كۇندىك ەڭبەك جالاقىنى جامبىل وبلىسى قورداي اۋدانىندا بولعان قايعىلى جاعداي سالدارىنان زارداپ شەككەن تۇرعىندارعا كومەك كورسەتۋ ءۇشىن اۋدارۋ تۋرالى قاۋلى قابىلدادى.

بۇل تۋرالى ق ر پارلامەنتى ءماجىلىسىنىڭ باسپا ءسوز قىزمەتى حابارلادى.

قارجى اۋدان تۇرعىندارىنىڭ تىرشىلىگىن، بۇلىنگەن ۇيلەردى، ينفراقۇرىلىمداردى قالپىنا كەلتىرۋگە جۇمسالادى.

ءماجىلىستىڭ ءبىر توپ دەپۋتاتى قازىرگى ۋاقىتتا قازاقستان پرەزيدەنتىنىڭ تاپسىرماسىمەن قۇرىلعان ۇكىمەتتىك كوميسسيامەن بىرگە قورداي اۋدانىندا جۇمىس ىستەۋدە.