17:30, 10 - اقپان 2020 | GMT +5
شىعىس قازاقستاندا اباي مەرەيتويىنا وراي حالىقارالىق پلەنەر وتەدى
وسكەمەن. قازاقپارات - شىعىس قازاقستان وبلىستىق ونەر مۋزەيى ابايدىڭ 175 -جىلدىعى اياسىندا حالىقارالىق پلەنەر ۇيىمداستىرماق، دەپ حابارلايدى قازاقپارات.
«اباي مەرەيتويىنا وراي «ءبىز تانىعان اباي» اتتى حالىقارالىق پلەنەر وتكىزۋدى جوسپارلاپ وتىرمىز. وعان ەلىمىزدىڭ تۇكپىر- تۇكپىرىنەن جانە شەت مەملەكەتتەردەن 20 سۋرەتشى شاقىرىلادى. بۇل شاراعا بەلگىلى فوتوگرافتار دا قاتىسپاق. پلەنەردىڭ ماقساتى - سۋرەتتەر ارقىلى اقىننىڭ تۋعان جەرىن الەم ەلدەرىنە كورسەتۋ» ، - دەيدى مۋزەي ديرەكتورى بەكايىم ۇيابايەۆا.
سونداي- اق، حالىقارالىق پلەنەر اياسىندا «ەڭ ۇزدىك ۆولونتەر» اتتى بايقاۋ ۇيىمداستىرىلماق.
«وسى ارقىلى جاستاردى مادەنيەت سالاسىنا باۋلىعىمىز كەلەدى. سايىستىڭ شارتى بويىنشا قاتىسۋشىلار سۋرەتشىلەرمەن بىرگە ءجۇرىپ، اباي الەمىن قازاق، اعىلشىن، ورىس تىلدەرىندە تانىستىرادى» ، - دەيدى بەكايىم قاسىمحان قىزى.
