ءىءى م ماسانچي اۋىلىنىڭ بۇگىنگى كورىنىسى تۋرالى ۆيدەو تاراتتى
مينيسترلىكتىڭ Telegram پاراقشاسىندا جاريالانعان ۆيدەو ماتەريالعا سايكەس، ءورت سالدارىنان 25 جەكە تۇرعىن ءۇي، 31 كوممەرتسيالىق نىسان جانە 41 اۆتوكولىك زارداپ شەكتى. تۇرعىنداردىڭ قاۋىپسىزدىگىن قامتاماسىز ەتۋ مەن قاقتىعىستاردى بولدىرماۋ ءۇشىن بارلىق قاجەتتى شارالار قابىلداندى.
پوليتسيتسەيلەر مەن ۇلتتىق ۇلاننىڭ اسكەري قىزمەتشىلەرى كوشەلەردى شولعىنداۋدى جالعاستىرۋدا جانە قۇقىقتىق ءتارتىپتى قاداعالاۋدا. وقيعا ورنىندا تەرگەۋ جانە جەدەل توپتار جۇمىس ىستەۋدە.
ەسكە سالايىق، 7 - اقپان كۇنى جامبىل وبلىسىنىڭ قورداي اۋدانىنداعى ماسانچي اۋىلىنىڭ تۇرعىندارى اراسىندا جاپپاي توبەلەس بولدى. ق ر پرەزيدەنتى قاسىم- جومارت توقايەۆ بۇزاقىلىق سيپاتتاعى جاپپاي توبەلەستى ارانداتۋشىلار ءوز پايداسىنا قولدانباق بولعانىن مالىمدەدى.
سونداي- اق ۆيتسە- پرەمەر بەردىبەك ساپاربايەۆتىڭ توراعالىعىمەن ۇكىمەتتىك كوميسسيا قۇرىلاتىنىن، قازا بولعانداردى جەرلەۋ، زارداپ شەككەندەرگە كومەكتەسۋ جۇمىستارى ۇيىمداستىرىلاتىنىن، قوعامدىق ءتارتىپتى بۇزعاندار انىقتالىپ، قاتاڭ جاۋاپقا تارتىلاتىنىن ءمالىم ەتتى. باس پروكۋراتۋراعا، ۇلتتىق قاۋىپسىزدىك كوميتەتىنە ءتيىستى تاپسىرما بەرىلدى.
تارتىپسىزدىكتەر كەيىن قورداي، اۋقاتتى، سورتوبە ەلدى مەكەندەرىندە دە بولعان.
8 - اقپان كۇنى ىشكى ىستەر ءمينيسترى ەرلان تۇرعىمبايەۆ پەن اقپارات جانە قوعامدىق دامۋ ءمينيسترى داۋرەن ابايەۆ وقيعاعا قاتىستى ەلورداداعى ورتالىق كوممۋنيكاتسيالار قىزمەتىندە باسپا ءسوز ءماسليحاتىن وتكىزدى. ءمالىم ەتىلگەندەي، جانجالعا باسقا اۋىلداردان كەلگەن 300-دەن استام ادام قوسىلعان. ەكى جاق ءبىر- بىرىنە تاس لاقتىرىپ، تاياقپەن ۇرىپ، قارۋ قولدانعان. وقيعا ورنىندا 8 ادام، اۋرۋحانادا 2 ادام كوز جۇمدى. 9 - اقپان ساعات 11.00-دەگى مالىمەت بويىنشا، مەديتسينالىق كومەككە 165 ادام جۇگىنگەن.
اۆتور مارلان جيەمباي
