ۇكىمەت قوردايدا زاقىمدانعان نىسانداردى جوندەۋ جوسپارىن دايىندايدى

نۇر-سۇلتان. قازاقپارت - پرەمەر-ءمينيستردىڭ ءبىرىنشى ورىنباسارى- قارجى ءمينيسترى ءاليحان سمايىلوۆ قورداي اۋدانىنداعى وقيعادان كەيىن قالپىنا كەلتىرۋ جۇمىستارىنا قارجى قايدان بولىنەتىن ايتتى، دەپ حابارلايدى قازاقپارات ءتىلشىسى.

«قازىرگى ۋاقىتتا پرەمەر-ءمينيستردىڭ ورىنباسارى بەردىبەك ماشبەك ۇلى ساپاربايەۆتىڭ توراعالىعىمەن ۇكىمەت كوميسسياسى جۇمىس ىستەپ جاتىر. سايكەسىنشە، ول جامبىل وبلىسى قورداي اۋدانىندا. وسى كوميسسيا جۇمىسىنىڭ اياقتالۋى بويىنشا ءتيىستى شەشىم قابىلدانادى»، - دەدى سمايىلوۆ پارلامەنت ماجىلىسىندە تىلشىلەر ساۋالىنا جاۋاپ بەرە وتىرىپ.

وسى ورايدا، ول زاقىمدانعان نىسانداردى قالپىنا كەلتىرۋ بويىنشا جوسپار ازىرلەۋ تاپسىرماسى بەرىلگەنىن اتاپ ءوتتى.

«ۇكىمەت كوميسسياسى ءوزىنىڭ جۇمىسىن اياقتاعاننان كەيىن ءتيىستى شەشىم بولادى. بۇل باعىتتا قاجەتتى قارجى رەزەرۆتەن ءبولىنۋى مۇمكىن. اتاپ ايتقاندا، قانداي شىعىن كەلتىرىلگەنى جانە قانداي كولەمدە زالال بولعانى تۋرالى ناقتى مالىمەتتەر جاريالانعان سوڭ، ءتيىستى جۇمىستار باستالادى. ازىرگە، شىعىن سوماسى ناقتى ايتىلعان جوق»، - دەدى ءاليحان سمايىلوۆ.

سونىمەن قاتار، ۇكىمەت باسشىسىنىڭ ءبىرىنشى ورىنباسارى جەرگىلىكتى بيۋجەتتەن دە قارجى ءبولۋ ەسكەرىلەتىنىن ايتتى.

ەسكە سالايىق، 7- اقپان كۇنى جامبىل وبلىسىنىڭ قورداي اۋدانىنداعى ماسانچي اۋىلىنىڭ تۇرعىندارى اراسىندا جاپپاي توبەلەس بولدى. ق ر پرەزيدەنتى قاسىم-جومارت توقايەۆ بۇزاقىلىق سيپاتتاعى جاپپاي توبەلەستى ارانداتۋشىلار ءوز پايداسىنا قولدانباق بولعانىن مالىمدەدى.

سونداي-اق ۆيتسە-پرەمەر بەردىبەك ساپاربايەۆتىڭ توراعالىعىمەن ۇكىمەتتىك كوميسسيا قۇرىلاتىنىن، قازا بولعانداردى جەرلەۋ، زارداپ شەككەندەرگە كومەكتەسۋ جۇمىستارى ۇيىمداستىرىلاتىنىن، قوعامدىق ءتارتىپتى بۇزعاندار انىقتالىپ، قاتاڭ جاۋاپقا تارتىلاتىنىن ءمالىم ەتتى. باس پروكۋراتۋراعا، ۇلتتىق قاۋىپسىزدىك كوميتەتىنە ءتيىستى تاپسىرما بەرىلدى.

تارتىپسىزدىكتەر كەيىن قورداي، اۋقاتتى، سورتوبە ەلدى مەكەندەرىندە دە بولعان.

8- اقپان كۇنى ىشكى ىستەر ءمينيسترى ەرلان تۇرعىمبايەۆ پەن اقپارات جانە قوعامدىق دامۋ ءمينيسترى داۋرەن ابايەۆ وقيعاعا قاتىستى ەلورداداعى ورتالىق كوممۋنيكاتسيالار قىزمەتىندە باسپا ءسوز ءماسليحاتىن وتكىزدى. ءمالىم ەتىلگەندەي، جانجالعا باسقا اۋىلداردان كەلگەن 300 دەن استام ادام قوسىلعان. ەكى جاق ءبىر-بىرىنە تاس لاقتىرىپ، تاياقپەن ۇرىپ، قارۋ قولدانعان. وقيعا ورنىندا 8 ادام، اۋرۋحانادا 2 ادام كوز جۇمدى. 9- اقپان ساعات 11.00 دەگى مالىمەت بويىنشا، مەديتسينالىق كومەككە 165 ادام جۇگىنگەن. تۇرعىلىقتى جەرى بويىنشا مەديتسينالىق ۇيىمدارعا - 140 ادام، قىرعىزستانداعى مەديتسينالىق ۇيىمعا - 25 ادام جەتكىزىلدى. «قازاقستانداعى اۋرۋحاناعا جاتقىزىلعانداردىڭ ىشىندە تۇراقتى اۋىر جاعدايدا 30 ادام، ال اسا اۋىر جاعدايدا 8 ادام بار. قايتىس بولعانداردىڭ سانى - 10. وقيعا ورنىندا 8، ال تاعى 2 ادام مەديتسينالىق مەكەمەدە قايتىس بولدى. قازىرگى تاڭدا ءالى 8 ادام جانساقتاۋ بولىمىندە جاتىر»، - دەدى ءلاززات اقتايەۆا.

جانجالدارعا قاتىسى بار دەگەن كۇدىكپەن 47 ادام ۇستالىپ، پوليتسيا بولىمىنە جەتكىزىلدى. ولاردان ەكى اڭشى قارۋى تاركىلەندى. كەيىن ولاردىڭ 44 ءى بوساتىلدى.