قىتاي ەلشىسى كوروناۆيرۋس قولدان جاسالدى دەگەن قاۋەسەتكە جاۋاپ بەردى
قىتاي ەلشىسى جەكسەنبى كۇنى CBS تەلەارناسىنىڭ ەفيرىندە اتالعان اقپاراتقا قاتىستى پىكىر ءبىلدىردى.
«ارينە، ءارتۇرلى قاۋەسەتتەر بار. بىرەۋ بۇل ۆيرۋستىڭ قىتايدا ەمەس، قۇراما شتاتتارداعى اسكەري زەرتحانادان شىققانىن ايتادى. ءبىز مۇنىڭ بارلىعىنا قالاي سەنە الامىز؟ بۇل ساندىراق»، — دەدى ول.
ەلشىنىڭ سوزىنشە، عالىمدار ازىرگە كوروناۆيرۋستىڭ جاڭا ءتيپى قايدان كەلگەنىن انىقتاي الماي جاتىر.
«الدىن الا مالىمەتتەرگە سايكەس، ول قانداي دا ءبىر جانۋارلاردان پايدا بولۋى مۇمكىن. الايدا ءبىز بۇل تۋرالى كوبىرەك ءبىلۋىمىز قاجەت»، - دەپ اتاپ ءوتتى تسۋي تيانكاي.
سونداي-اق، ديپلومات جەرگىلىكتى جەرلەردە ۆيرۋستىڭ پايدا بولۋى تۋرالى العاشقى حابارلامالارعا تەز رەاكتسيا بولماعانىن مويىندادى
«بۇل كەز كەلگەن جەردە بولار ەدى. دەگەنمەن ءبىز مۇنى تۇزەتۋ ءۇشىن قولدان كەلگەننىڭ ءبارىن جاساپ جاتىرمىز»، - دەپ سەندىردى ەلشى.
ەسكە سالا كەتەيىك، بۇعان دەيىن قىتاي سىرتقى ىستەر مينيسترلىگىنىڭ رەسمي وكىلى حۋا چۋنين ا ق ش- تى كوروناۆيرۋسقا قاتىستى دۇربەلەڭ تۋدىردى دەپ ايىپتاعان بولاتىن.
ايتا كەتەيىك، 7- اقپاندا وسى جاڭا قاۋىپتى ۆيرۋس تۋرالى العاش رەت ەسكەرتكەن ۋحان قالاسىنىڭ دارىگەرى لي ۆەنلياننىڭ كوز جۇمعانى حابارلاندى.
سونداي-اق، تايلاند تۇرعىنى اتالمىش ۆيرۋستى قالاي جەڭگەنىن ايتىپ بەرگەن ەدى.
72 جاستاعى اجەيگە ەشقانداي ءدارى-دارمەكتىڭ قاجەتى بولماعان. ونىڭ اعزاسى ءوز كۇشىمەن قاۋىپتى ۆيرۋستى جەڭىپ شىققان ەكەن.
