جانسەيىت تۇيمەبايەۆ قورداي اۋدانىنداعى ەتنو-مادەني بىرلەستىك باسشىلارىمەن كەزدەسۋلەر وتكىزدى
ق ح ا باسپا ءسوز قىزمەتىنىڭ مالىمەتىنشە، قورداي اۋدانىنداعى ماسانچي، اۋقاتتى، سورتوبە ەلدىمەكەندەرىندەگى جاعدايمەن تانىسىپ، جاپپاي توبەلەس سالدارىنان قازا بولعان وتباسىلارعا كوڭىل ايتتى. اۋرۋحانادا جاتقان ازاماتتاردىڭ جاعدايىن ءبىلىپ، جەرگىلىكتى تۇرعىندارمەن، اۋدان اقساقالدارىمەن، ق ح ا مۇشەلەرىمەن، ەتنو-مادەني بىرلەستىك باسشىلارىمەن كەزدەسۋلەر وتكىزدى.
جەكسەنبىدە دە كوميسسيا جۇمىسىن جالعاستىرىپ، قازاق-قىرعىز شەكارا پۋنكتتەرىندەگى اۋىل تۇرعىندارىمەن سويلەسىپ، تۇرعىنداردى ۇيلەرىنە قايتىپ ورالۋعا شاقىردى.
سونداي-اق جانسەيىت تۇيمەبايەۆ ورىن العان وقيعانىڭ تەك تۇرمىستىق سيپاتتاعى كيكىلجىڭ ەكەنىن تاعى دا اتاپ ءوتتى.
«وڭىردەگى تۇرعىنداردىڭ قاۋىپسىزدىگى مەن قۇقىقتىق ءتارتىپتىڭ ساقتالۋىن قامتاماسىز ەتۋ ماقساتىندا قۇرىلعان ۇكىمەت كوميسسياسى وقيعانىڭ سالدارىن جويۋ بويىنشا بارلىق قاجەتتى شارالاردى اتقارۋدا. قازا بولعانداردىڭ تۋىستارى مەن جاقىندارىنا ءتيىستى كومەك كورسەتىلىپ جاتىر. كىنالىلەر، جەكە ازاماتتار، اسىرەسە كيكىلجىڭدى تۋدىرعاندار مەن ارانداتۋشىلار زاڭعا سايكەس قاتاڭ جازالاناتىن بولادى. ۇلتارالىق تاتۋلىق پەن قوعامدىق كەلىسىم ەلىمىز ءۇشىن ەڭ قىمبات قازىنا ەكەنىن ۇمىتپاۋىمىز كەرەك»، دەدى جانسەيىت تۇيمەبايەۆ.
