ءبارى جول ۇستىندەگى كيكىلجىڭنەن باستالعان - ءى ءى م قوردايداعى قانتوگىس جايلى

نۇر- سۇلتان. قازاقپارات - ىشكى ىستەر ءمينيسترىنىڭ ورىنباسارى الەكسەي كااليچيدي قوردايداعى وقيعانىڭ نەدەن باستالعانىن ايتىپ بەردى، دەپ حابارلايدى قازاقپارات ءتىلشىسى.

«ءاۋ باستا، ياعني 5 - اقپاندا ەكى اۋىلدىڭ تۇرعىندارى ۇستاسىپ قالعان. تۇرمىستىق قاقتىعىسقا قاتىسقانداردىڭ ءبىرى قازىر ۇستالىپ، قالعاندارى اۋداننان شىقپايتىنى جونىندە قولحاتپەن بوساتىلدى»، - دەدى الەكسەي كالايچيدي و ك ق- دا وتكەن باسپا ءسوز ءماسليحاتىنان كەيىن تىلشىلەرگە.

ونىڭ ايتۋىنشا، اۋىر جۇك كولىگى ۇيدەن شىعىپ كەلە جاتقان كەزدە جولدا كەلە جاتقان اۆتوكولىكپەن جولعا تالاسىپ قالعان.

«كولىكتەردە ءۇش- ءۇش ادامنان بولعان. اقىرى ءوزارا جانجال سوڭى توبەلەسكە ۇلاسىپ كەتكەن»، - دەدى ول.

ءى ءى م باسشىسىنىڭ ورىنباسارى جول ۇستىندەگى توبەلەستە التى كىسىنىڭ ىشىندە، شىنىندا دا، جاسى ۇلكەن كىسىنىڭ بولعانىن راستادى.

«ول توبەلەس كەزىندە زارداپ شەككەن... جالپى قازىر ءبىز بارلىق تاراعان اقپاراتقا تالداۋ جۇرگىزىپ وتىرمىز. ول جەردە جۇزگە تارتا ادام بولعان. ولاردىڭ ءارقايسىسىنىڭ سول جەرگە كەلۋ موتيۆىن زەرتتەپ جاتىرمىز»، - دەدى ول.

اۆتور: ايان بەكەن ۇلى