بەردىبەك ساپاربايەۆ قورداي اۋدانىنىڭ حالقىمەن كەزدەستى
«ءبىزدىڭ مىندەتىمىز - تۇرعىنداردىڭ قاۋىپسىزدىگى مەن قۇقىقتىق ءتارتىپتىڭ ساقتالۋىن قامتاماسىز ەتۋ. كەشەگى قايعىلى جاعداي قايتالانباۋى ءتيىس. ول ءۇشىن مەملەكەت باسشىسىنىڭ تاپسىرماسىمەن وڭىرگە ۇكىمەت كوميسسياسى مەن قۇقىق قورعاۋ ورگاندارىنىڭ قىزمەتكەرلەرى كەلدى. ءبىز ءتارتىپ ورناتامىز، سىزدەردەن سابىر ساقتاۋدى وتىنەمىز. بىزدە بارلىق قاجەتتى قۇرالدار مەن كۇشتەر جەتكىلىكتى»، - دەدى ول.
ۆيتسە- پرەمەردىڭ ايتۋىنشا، كيكىلجىڭدى تۋدىرعاندار مەن ارانداتۋشىلاردى ارنايى وپەراتيۆتىك تەرگەۋ توبى انىقتايتىن بولادى، بۇل توپ بولعان وقيعانىڭ بارلىق جاعدايلارىنا وبەكتيۆتى تەرگەۋ جۇرگىزەدى.
«ءبىز ءاردايىم كەلىسىممەن، تاتۋ ءومىر سۇردىك. مۇنداي جاعداي العاش رەت بولىپ وتىر. جاستار اراسىندا ۇساق كەلىسپەۋشىلىكتەر ورىن الاتىن، ءبىراق مەنىڭشە، كەشەگى وقيعاعا ءۇشىنشى تاراپ قاتىسقان»، - دەگەن پىكىرىن ءبىلدىردى اقساقالداردىڭ ءبىرى.
ءوز كەزەگىندە، بەردىبەك ساپاربايەۆ وقيعانىڭ تەك تۇرمىستىق سيپاتتاعى كيكىلجىڭ ەكەنىن تاعى ءبىر اتاپ ءوتتى.
«ءبىز ءبارىمىز قازاقستان رەسپۋبليكاسىنىڭ ازاماتتارىمىز. بۇل جەردە ەشقانداي ۇلتتىق ماسەلە جوق. تۇرمىستىق كيكىلجىڭ بولدى، ونى ارانداتۋشىلار پايدالانىپ، باسقا ارناعا بۇرىپ جىبەردى»، - دەدى ول.
سونىمەن قاتار ۇكىمەت كوميسسياسىنىڭ مۇشەلەرى ب ا ق وكىلدەرىنە ارنالعان باسپا ءسوز كونفەرەنسياسىن وتكىزدى.
