قازاقستان حالقى اسسامبلەياسى قوردايداعى وقيعاعا قاتىستى مالىمدەمە جاسادى
«قوردايداعى وقيعا ەل ازاماتتارىنىڭ ءاربىرىنىڭ جۇرەگىنە قانجارداي قادالدى. وقيعا كەزىندە ازاماتتارىمىز كوز جۇمدى. قازاقستان حالقى اسسامبلەياسى كوز جۇمعان ازاماتتاردىڭ تۋعان- تۋىستارى مەن جاقىندارىنا قايعىرا كوڭىل ايتا وتىرىپ، زارداپ شەككەندەردىڭ تەزىرەك ساۋىعىپ كەتۋىن تىلەيدى. مەملەكەت باسشىسى جانجالدىڭ سالدارىن ەڭسەرۋ بويىنشا ناقتى تاپسىرمالاردى بەردى. ءبىز قازاقستان حالقىن وسىناۋ ىسكە ءۇن قوسىپ، قولداۋ ءبىلدىرۋدى سۇرايمىز»، - دەلىنگەن ق ح ا مالىمدەمەسىندە.
اسسامبلەيا ەلدىڭ بارلىق وڭىرىندە ەتنومادەني بىرلەستىكتەردىڭ باسىن قوسىپ ءتۇسىندىرۋ جۇمىستارىن جۇرگىزىلىپ جاتقانىن حابارلايدى.
«اسسامبلەيا مۇشەلەرى كەز كەلگەن قىلمىستىڭ ۇلتتىق سيپاتى بولمايتىنى، سونداي- اق كىنالىلەردىڭ ءبارى زاڭعا سايكەس انىقتالىپ، جازالانۋى كەرەكتىگى جايلى ورتاق پىكىر بىلدىرەدى. سوندىقتان، قازىرگى كەزدەگى ەڭ ماڭىزدى مىندەت - ارانداتۋشىلىققا بوي الدىرماي، جەكە ادامداردىڭ جاساعان ارەكەتتەرىن تۇتاس ۇلتتارعا تەلۋگە جول بەرمەۋ. اسسامبلەيا حالىقتىڭ دانالىعىنا سەنىم بىلدىرەدى ءارى ءبىزدىڭ ازاماتتارىمىزدى، اسىرەسە جاستاردى ەلدەگى بەيبىتشىلىك پەن كەلىسىمدى بۇزاتىن جانە وزدەرىنە زيان كەلتىرەتىن ورەسكەل سوزدەر مەن ارەكەتتەردەن اۋلاق بولۋعا شاقىرادى. قازاقستان حالقى ءارقاشان ءبىر- بىرىمەن باۋىرلاستىق قارىم- قاتىناستىڭ ۇلگىسى بولىپ قالا بەرەتىنىنە سەنىمدىمىز. بالالارىمىزدىڭ ورتاق بولاشاعى ءۇشىن ءبىز ۇلتارالىق ارازدىقتى قوزدىرۋعا جول بەرمەۋىمىز كەرەك»، - دەيدى ق ح ا مالىمدەمەسىندە.
سونىمەن قاتار ق ح ا جالعان مالىمەتكە سەنبەي، قوعامدىق ءتارتىپ پەن قاۋىپسىزدىكتى قامتاماسىز ەتەتىن ورگاندارعا كومەك كورسەتۋگە، ەلدەگى تىنىشتىق پەن بەيبىتشىلىكتى ساقتاۋعا شاقىرادى.
اۆتور: ايان بەكەن ۇلى
