قىتايداعى كونكيشى قازاق قىزى الەمدىك دودادا جۇلدەلى ورىنعا يە بولدى - شەتەلدەگى قازاق ءتىلدى ب ا ق- قا شولۋ

نۇر- سۇلتان. قازاقپارات - «قازاقپارات» ح ا ا ادەتتەگىدەي شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

وزبەكستاندا الداعى ۋاقىتتا تالاپكەرلەر تەست سىناقتارىنسىز وقۋعا تۇسەدى - «ءوزا» اقپاراتتىق اگەنتتىگى

بيىل وزبەكستاندا ءبىلىم سالاسى قايتا رەفورمالانىپ مۇلدەم جاڭا كاسىپتىك ءبىلىم بەرۋ جۇيەسى ەنگىزىلەتىنى جايىندا مەملەكەت باسشىسى ءوز جولداۋىندا ايتقان بولاتىن، دەپ حابارلايدى وزبەكستاننىڭ «ءوزا» مەملەكەتتىك اقپاراتتىق اگەنتتىگى.

ونداعى ەنگىزىلەر جۇيەنىڭ ءبىر جاڭا ءتۇرى شەت تىلدەرىنەن (اعىلشىن، نەمىس، فرانسۋز جانە شىعىس) باسقا وزبەك ءتىلى، ورىس ءتىلى، ماتەماتيكا جانە وزگە جالپى پاندەردەن دە سەرتيفيكات بەرۋ كەزەڭىمەن جولعا قويىلادى.

اتالعان اقپارات كوزىنىڭ دەرەگىنە سۇيەنسەك، وزبەكستان پرەزيدەنتى ايتقانداي، جاستار كەز كەلگەن ۋاقىتتا ەمتيحان تاپسىرىپ ءوز دەڭگەيىنە لايىقتى بالل قورىتىندىسى كورسەتىلگەن كۋالىگىن السا، ج و و- عا وقۋعا تۇسەر كەزدە وسى پاندەردەن قايتا سىناق تاپسىرۋدىڭ قاجەتى بولمايدى. بۇل - تالاپكەر ج و و- نىڭ باكالاۆر ءبىلىم دارەجەسىنە تەست سىناقتارىن تاپسىرماي- اق كونكۋرسقا قاتىسۋعا يە بولادى دەگەن ءسوز.

«قازىر وسى جاڭا جۇيە بويىنشا ءتيىستى جۇمىستار قولعا الىنىپ، بيىلدان باستاپ ءبىلىم سالاسىنا ەنگىزىلەتىن بولادى. ال، 2020-2021 وقۋ جىلىنان ج و و- دا 3 جىلدىق باكالاۆر باعىتى اشىلادى. مەملەكەتتىك گرانتتار سانى ەكى ەسەگە ءوسىپ، ناقتى ماماندىقتارعا قاتىسى بولماعان پاندەر ەكى ەسەگە قىسقارتىلادى»، دەپ جازادى وزبەكستاندىق ب ا ق.

ءداستۇرلى مادەنيەت ونەرى مەكتەپ باعدارلاماسىنا ەندى - «اعاجاي- التاي» پورتالى

باستاۋىش مەكتەپتىڭ وقۋشىلارى مۇعالىمنىڭ جەتەكشىلىگىمەن قىش ىدىستارىن جاساۋدا، دەپ حابارلايدى قىتايدىڭ «اعاجاي- التاي» اقپاراتتىق پورتالى.

قىتايدىڭ ىشكى موڭعۇل اۆتونوميالى ولكەسىنە قاراستى چيڭشۋيحى اۋدانىنىڭ قىش ءوندىرۋدىڭ تاريحى ارىدە جاتىر. سول سەبەپتى 2011 -جىلى چيڭشۋيحىدا قىش ونەرى ماتەريالدىق ەمەس مادەني مۇرالار تىزىمىنە ەنگىزىلگەن.

«سوڭعى جىلدارى جەرگىلىكتى اكىمشىلىك چيڭشۋيحى اۋدانىندا «قىش ونەرىن مەكتەپ اۋلاسىنا جەتكىزۋ» اتتى شارانى دامىتقان. مۇنىڭ اسەرىنەن بالالاردىڭ قول ونەرىن جەتىلدىرۋمەن بىرگە ءداستۇرلى مادەنيەتتى ۇيرەنۋىنە دە مۇمكىندىك جاسالدى»، دەپ جازادى altxw.com.

قىتايداعى كونكيشى قازاق قىزى الەمدىك دودادا جۇلدەلى ورىنعا يە بولدى - «جەنمين جيباو» (People Daily)

2 - اقپاندا قىتايلىق ويىنشىلار اقنار اداق قىزى، چەن سيانيۋي جانە ما يۋحان الەمدىك دودادا باق سىنادى، دەپ حابارلايدى kazakh.people.com.cn.

«كەلەسى كۇنى ا ق ش- تىڭ ميلۋوكي قالاسىندا كونكي تەبۋ سپورتى بويىنشا ءتورت قۇرلىقتاعى ايەلدەر كومانداسىنىڭ جارىسى اياقتالدى. چەن سيانيۋ، ما يۋحان جانە اقنار اداق قىزىنان تۇراتىن قۇراما 3 مينۋت 14 سەكۋند 153 ۋاقىتپەن ءۇشىنشى ورىندى جەڭىپ الدى»، دەپ جازادى قىتايلىق ب ا ق.

بازار ۇلى عابيت: تۇپكى ماقساتىم - سيليكون القابىن قۇرۋ - kaznews

وسى اپتادا kaznews - تە 13 جىل بويعى اقپاراتتىق تەحنولوگيا سالاسىندا جيناقتاعان ءبىلىمىنىڭ كومەگىمەن حالىقارالىق نارىقتان قارجى ەنگىزۋ، شەتەل نارىعىنا IT ونىمدەردى ەكسپورتتاۋ باعىتىندا جۇمىس جۇرگىزىپ وتىرعان موڭعوليالىق قانداس عابيت بازار ۇلىنان الىنعان كولەمدى سۇحبات جاريالاندى.

«2008 -جىلدىڭ جازىندا ا ق ش- تىڭ بيزنەس الەمىندەگى ايگىلى Bloomberg Businessweek پورتالى كۇنىنە 10 مىڭ رەت جۇكتەلگەن قولدانبالى باعدارلامانى /اپپليكەيشن/ ەرەكشە اتاپ ءوتتى. بۇل تاۋلىگىنە قانشاما تەحنولوگيالىق جاڭالىقتار جاريالاناتىن پورتال ءۇشىن ونشا ماڭىزدى ەمەس ەدى. الايدا، سول باعدارلامانى جاساعان موڭعوليا ازاماتتارى بولعاندىقتان بۇل وقيعا ءبىزدى ەلەڭ ەتكىزدى. ەلىمىزدىڭ عىلىم جانە تەحنولوگيا ۋنيۆەرسيتەتىن بىتىرگەن تۇلەكتەر اقپاراتتىق تەحنولوگيا وتانى سانالاتىن امەريكا نازارىن وزدەرى جاساعان اپپليكەيشن ارقىلى اۋدارتقانى قىزىقتى ەدى. سول كەز كەلگەن ادام جاساي المايتىن جاڭالىقتارىن قازىر دە جالعاستىرىپ جۇرگەن جيھانكەز قازاق ازاماتىنىڭ ەسىمى - بازار ۇلى عابيت»، دەپ جازادى موڭعوليالىق ب ا ق.

كەڭ كولەمدە الىنعان بۇل سۇحباتتىڭ سوڭىندا جاس IT مامانى ءوزىنىڭ الداعى نەگىزگى جوسپارىمەن بولىسكەن.

عابيت بازار ۇلىنىڭ تۇپكى ماقساتى – ا ق ش- تاعى سەكىلدى سيليكون القابىن (Silicon Valley) قۇرۋ ەكەن. وندا بيوتەحنولوگيا، نانوتەحنولوگيا داميتىن بولادى. ال تەحنولوگيا دەگەنىمىز - وتە ۇلكەن ۇعىم، دەيدى IT مامانى. ع. بازار ۇلىنىڭ دەرەگىنشە، 1960 -جىلدارى موڭعول ەلى بيوتەحنولوگيا سالاسىندا الدىڭعى قاتاردا بولىپتى. ونىڭ دالەلى مالدىڭ جۇقپالى اۋرۋلارىنان ساقتاندىرۋ ۆاكتسيناسى موڭعوليادا وندىرىلگەن. ال، قازىر شەتەلدەن ساتىپ الىپ وتىر ەكەن. «بىزگە ءقازىر ول كەزدەن دە اقىلدى بولۋىمىز قاجەت ەدى. الايدا، كەرىسىنشە كەيىنگە كەتىپ بارامىز. سوعان تاڭ قالامىن»، دەيدى تەحنولوگيا مامانى.

«ءبىزدىڭ قالاۋىمىز - جوعارى تەحنولوگيالىق «موڭعول القابى». وندا ءبىلىم العىسى كەلگەن جاستارعا وقيتىن مەكتەبى مەن بىتىرگەن سوڭ جۇمىس ىستەيتىن كومپانيالارى دايىن تۇرۋى كەرەك. بۇل مەنىڭ ەڭ ۇلكەن ارمانىم. سول ءۇشىن عۇمىرىمدى ارناعىم كەلەدى. بىزدە ونداي قاۋقار بار. مەن قازىر ورتا مەكتەپ وقۋشىلارىمەن جۇمىس جاساۋدامىن. ولاردى دۇرىس جولعا باعىتتاساق، وتە ۇلكەن جەتىستىككە جەتەتىنىنە تولىق سەنىمدىمىن»، - دەپ تۇيىندەيدى عابيت بازار ۇلى.

حالىقارالىق كىتاپ جارمەڭكەسى ىستانبۇلدا وتەدى - TRT

CNR حالىقارالىق كىتاپ جارمەڭكەسى 8-16 - اقپان كۇندەرى ىستانبۇلدا وتەدى، دەپ حابارلايدى تۇركيا راديو تەلەديدار پورتالى.

«بيىل «زەرتتەۋ» تاقىرىبىمەن ۇيىمداستىرىلاتىن 7- كەزەكتى CNR حالىقارالىق كىتاپ جارمەڭكەسى 8-16 - اقپان كۇندەرى اراسىندا CNR ەكسپو ىستانبۇل جارمەڭكە ورتالىعىندا كىتاپسۇيەر وقىرماندارعا ۇسىنىلادى. كىتاپقا قول قويۋ كۇندەرى، سۇحباتتار، سەمينارلار پەن پانەلدەردى قامتىعان 700-دەن استام ءىس- شارا وتكىزىلەتىن جارمەڭكەنىڭ قۇرمەتتى قوناعى پوليتسيالىق رومانداردىڭ شەبەرى احمەت ءۇمىت بولادى»، - دەپ جازادى تۇركيالىق ب ا ق.

7^- كەزەكتى CNR حالىقارالىق كىتاپ جارمەڭكەسى اياسىندا بيىل كىتاپ باعىشتاۋ ناۋقانى دا ۇيىمداستىرىلادى. وسى ارقىلى جارمەڭكە بويىنشا جينالعان كىتاپتارمەن اۋىلدىق مەكتەپتەردىڭ كىتاپ قاجەتى قامتاماسىز ەتىلەدى.

اۆتور: بەيسەن سۇلتان